សិង្ហបុរី៖ ក្រុមហ៊ុនអាកាសចរណ៍ជំនាន់ថ្មី Vietjet ត្រូវបានផ្តល់ពានរង្វាន់ក្នុងនាម «ជាក្រុមហ៊ុនអាកាសចរណ៍គិតថ្លៃសេវាទាប ក្នុងតំបន់អាស៊ី-ប៉ាស៊ីហ្វិក ប្រចាំឆ្នាំ» ដោយមជ្ឈមណ្ឌលសម្រាប់អាកាសចរណ៍អាស៊ី-ប៉ាស៊ីហ្វិក ហៅកាត់ថា CAPA។ កម្មវិធីប្រគល់ពានរង្វាន់នេះ បានប្រព្រឹត្តទៅ អំឡុងកិច្ចប្រជុំវិស័យអាកាសចរណ៍អាស៊ី CAPA ដែលត្រូវបានរៀបចំឡើងចាប់ពីថ្ងៃទី១៤ ដល់ទី១៥ ខែវិច្ឆិកា ឆ្នាំ២០១៩ ក្នុងប្រទេសសិង្ហបុរី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពានរង្វាន់ប្រចាំឆ្នាំរបស់ CAPA មួយនេះ គឺជាការទទួលស្គាល់លើក្រុមហ៊ុនអាកាសចរណ៍នានា ដែលបានប្រតិបត្តិយុទ្ធសាស្ត្រលេចធ្លោជាងគេបំផុតប្រចាំតំបន់ បានប្រែក្លាយខ្លួនឯងជាក្រុមហ៊ុនឈានមុខគេ និងបានក្លាយជាក្រុមហ៊ុនបែបច្នៃប្រឌិតដ៏អស្ចារ្យបំផុត ដើម្បីធ្វើជាគំរូសម្រាប់ក្រុមហ៊ុនផ្សេងទៀត ក្នុងការយកតម្រាប់តាមអំឡុងពេលនៃឆ្នាំនេះនៅក្នុងឧស្សាហកម្មអាកាសចរណ៍ក្នុងតំបន់។
ក្រៅពីបានឆ្លើយតបយ៉ាងល្អប្រសើរលើគ្រប់លក្ខខណ្ឌទាំងអស់ ក្រុមហ៊ុនអាកាសចរណ៍ Vietjet ក៏មានភាពលេចធ្លោទៅលើការបន្តការពង្រីកបណ្តាញរបស់ខ្លួនឥតឈប់ឈរផងដែរ។ បច្ចុប្បន្ន Vietjet គឺជាក្រុមហ៊ុនអាកាសចរណ៍ក្នុងស្រុកឈានមុខគេរបស់វៀតណាម និងបានពង្រីកបណ្តាញអន្តរជាតិរបស់ខ្លួនជាបន្តបន្ទាប់។ នេះគឺជាការបង្ហាញពីជំហរដ៏គួរឲ្យទាក់ទាញ ដើម្បីស្របទៅតាមទស្សនវិស័យសេដ្ឋកិច្ច និងទីផ្សារដែលមានការរីកចម្រើនយ៉ាងឆាប់រហ័ស របស់វៀតណាម។
លោក Peter Harbison ប្រធានអង្គភាព CAPA បានឲ្យដឹងថា៖
លោកស្រី Nguyen Thi Phuong Thao ប្រធាន និងជានាយកប្រតិបត្តិរបស់ក្រុមហ៊ុន Vietjet មានប្រសាសន៍ថា៖
CAPA គឺជាអង្គភាពឈានមុខគេលើការអង្កេតទីផ្សារអាកាសចរណ៍ឯករាជ្យ វិភាគ និងសេវាទិន្នន័យផ្សេងៗ ដែលគ្របដណ្តប់លើការអភិវឌ្ឍនានាទូទាំងពិភពលោក។ ខណៈដែលត្រូវបានបង្កើតឡើងក្នុងឆ្នាំ១៩៩៩ ផ្លាតហ្វមរបស់ CAPA ជួយដល់វិស័យអាកាសចរណ៍ និងអាជីវកម្មរបស់ក្រុមហ៊ុនផ្គត់ផ្គង់ឲ្យរក្សាការទទួលបានព័ត៌មាន រក្សាការផ្សារភ្ជាប់ទំនាក់ទំនង ជាមួយនឹងមេដឹកនាំឧស្សាហរកម្ម និងការបំផុសគំនិតលើបញ្ហាប្រេង ដើម្បីបង្កើតឲ្យមានការផ្លាស់ប្តូរ។ ខណៈដែលត្រូវបានគេទទួលស្គាល់ថា ជាពានរង្វាន់ដ៏មានកិត្យានុភាពមួយសម្រាប់ភាពឥតខ្ចោះផ្នែកយុទ្ធសាស្ត្រក្នុងវិស័យអាកាសចរណ៍ CAPA បានផ្តល់ពានរង្វាន់ជាលើកដំបូងរបស់ខ្លួនក្នុងឆ្នាំ២០០៣ ដើម្បីទទួលស្គាល់ពីភាពជោគជ័យរបស់ក្រុមហ៊ុនអាកាសចរណ៍ និងអាកាសយានដ្ឋានក្នុងតំបន់អាស៊ី-ប៉ាស៊ីហ្វិក។
Vietjet បានបន្តពង្រីកបណ្តាញបស់ខ្លួនជាបន្តបន្ទាប់ ដើម្បីបង្កើតឱកាសហោះហើរកាន់តែច្រើនបន្ថែមទៀត រួមជាមួយនឹងតម្លៃសេវាបែបសន្សំសំចៃសម្រាប់គ្រប់គ្នា។ ជាមួយនឹងការផ្តោតលើតម្លៃជាស្នូលរបស់ខ្លួនទៅលើ «សុវត្ថិភាព សុភមង្គល តម្លៃសមរម្យ និងទៀងទាត់ពេលវេលា» ក្រុមហ៊ុនអាកាសចរណ៍មួយនេះ ពិតជាមានមោទនភាពណាស់ក្នុងការធានាឲ្យបានថា អ្នកដំណើរទាំងអស់តែងតែការហោះហើរប្រកបដោយសុវត្ថិភាព និងរីករាយនៅក្នុងពេលធ្វើដំណើរលើយន្តថ្មី ដែលបំពាក់ដោយកៅអីដ៏មានផាសុកភាព រួមជាមួយនឹងជម្រើសម្ហូបអាហារដ៏ឈ្ងុយឆ្ងាញ់ និងក្តៅចំនួន៩មុខ ដែលត្រូវបានបម្រើដោយបុគ្គលិកដ៏ស្រស់ស្អាត និងរួសរាយរាក់ទាក់របស់ Vietjet។ ក្រុមហ៊ុននេះក៏ផ្តល់ជូនឧបករណ៍ប្រើប្រាស់ទំនើប និងសេវាកម្មផ្សេងៗជាច្រើនតាមរយៈផ្លាតហ្វមពាណិជ្ជកម្មអេឡិចត្រូនិកផងដែរ។
ជាមួយនឹងការប្រមូលផ្តុំដោយយន្តទំនើបៗ ដែលមានអាយុកាលជាមធ្យមត្រឹមតែ ២,៧ឆ្នាំ ក្រុមហ៊ុនអាកាសចរណ៍ ប្រតិបត្តិការហោះហើរប្រចាំថ្ងៃចំនួន៤០០លើក ដោយដឹកអ្នកដំណើរច្រើនជាង១០០លាននាក់ មកទល់ពេលនេះ ទូទាំងបណ្តាញដែលមានពង្រីករបស់ខ្លួន ក្នុងនោះរាប់បញ្ចូលទាំងគោលដៅជាច្រើន ទូទាំងប្រទេសវៀតណាម និងគោលដៅអន្តរជាតិក្នុងប្រទសកម្ពុជា ឥណ្ឌា ជប៉ុន កូរ៉េខាងត្បូង តៃវ៉ាន់ សិង្ហបុរី ហុងកុង ឥណ្ឌូនេស៊ី ថៃ ម៉ាឡេស៊ី មីយ៉ាន់ម៉ា និងប្រទេសចិន។
ក្រុមហ៊ុន Vietjet បានទទួលរង្វាន់សុវត្ថិភាពខ្ពស់បំផុតលំដាប់ផ្កាយ៧ នៅឆ្នាំ២០១៨ និងឆ្នាំ២០១៩ ដោយគេហទំព័រដាក់ពិន្ទុសុវត្ថិភាព និងផលិតផលតែមួយគត់របស់ពិភពលោក ឈ្មោះ AirlineRatings.com ហើយក៏ត្រូវបានចាត់ថ្នាក់ជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ភាពរឹងមាំផ្នែកហិរញ្ញប្បទាន និងប្រតិបត្តិការ ដែលការចាត់ថ្នាកនេះធ្វើឡើងដោយ Airfinance Journal k ក្នុងឆ្នាំ២០១៨ និងឆ្នាំ២០១៩។
ការទទួលបានពានរង្វាន់ដ៏មានកិត្យានុភាពនេះពី CAPA ដែលជាអង្គភាពអាកាសចរណ៍ឈានមុខគេក្នុងពិភពលោក មិនត្រឹមតែជាកិត្តិយសដ៏ធំធេងរបស់ Vietjet ប៉ុណ្ណោះទេ ប៉ុន្តែក៏ជាមោទនភាពដ៏ក្រៃលែងសម្រាប់ឧស្សាហកម្មអាកាសចរណ៍ ដែលកំពុងរីកចម្រើនរបស់វៀតណាមផងដែរ៕