ស៊ុតដូចទឹកបាក់ទំនប់!! Harry Kane រកបាន Hat-Trick ជួយអង់គ្លេសតប់ ៧-០ (មានវីដេអូ)

អង់គ្លេស៖ ក្រុមតោកំណាចអង់គ្លេស បានយកឈ្នះក្រុមភ្ញៀវ ម៉ុនតេណេក្រូ ដោយលទ្ធផល ៧ទល់នឹង០ ក្នុងការប្រកួតវគ្គជម្រុះពានរង្វាន់ EURO 2020 ក្នុងពូល A កាលពីយប់មិញ នៅកីឡដ្ឋាន Wembley។

៧គ្រាប់របស់កូនក្រុមលោក Gareth Southgate ធ្វើបាន Hat-Trick ដោយខ្សែប្រយុទ្ធជួរមុខ Harry Kane ខណៈ ៤គ្រាប់ទៀតរកបានដោយកីឡាករ៤រូបផ្សេងក្នុងម្នាក់មួយគ្រាប់រួមមាន Alex Oxlade Chamberlain, Marcus Rashford, Aleksandar Sofranac និងគ្រាប់ចុងក្រោយរកបានដោយខ្សែប្រយុទ្ធកំពុងឡើងជើងរបស់ Chelsea កីឡាករ Tammy Abraham នៅនាទី៨៤។

នៅក្នុងការប្រកួតនោះ អង់គ្លេស បានសម្រុកខ្លាំងមែនទែនទៅលើក្រុមភ្ញៀវ ដោយគ្រប់គ្រងបាល់ដល់ទៅ ៦៦% និងមានឱកាសស៊ុត ១៤លើក ចំគោលដៅ១១លើក និងខុសគោលដៅ៣លើក ខណៈម៉ុនតេណេក្រូ ស៊ុតបានត្រឹម ៤ដងប៉ុណ្ណោះ ចំគោលដៅ២ដង និងមិនចំគោលដៅ២ដង។

ក្រោយទទួលបាន ៣ពិន្ទុយប់មិញ អង់គ្លេស បន្តឈរនៅកំពូលតារាងក្នុងពូល A មាន១៨ពិន្ទុ ក្រោយ៧ប្រកួត ឈ្នះ៦ និងចាញ់១ ខណៈលេខ២ គឺក្រុមឆេក ដោយ៧ប្រកួតឈ្នះ ៥និងចាញ់២ មាន១៥ពិន្ទុ៕

ចង់ឃើញថាការប្រកួតយប់មិញ អង់គ្លេស សម្រុកខ្លាំងយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖