កូរ៉េខាងត្បូង៖ កាលពីថ្ងៃទី១៣ ខែវិចិ្ឆកា កន្លងទៅនេះDAWN បានបង្ហាញវត្តមានជាភ្ញៀវកិត្តិយស ចូលរួមក្នុងកម្មវិធី“Radio Star” របស់ទូរទស្សន៍MBC ក្រោយពេលបង្ហាញខ្លួនជា តារាចម្រៀងទោលជាលើកដំបូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងពេលដែលចូលរួម ក្នុងកម្មវិធីនោះDAWN ត្រូវបានភ្ញៀវកិត្តិយសដទៃទៀត សាកសួរពីទំនាក់ទំនងរវាងគេ និងមិត្តស្រីគឺតារាចម្រៀងHyunA ។ ជាមួយគ្នានោះDAWN ក៏បានលើកឡើងផងដែរថា ទំនាក់ទំនងរវាងលោកនិងមិត្តស្រី ធ្លាប់ត្រូវមានជួបប្រទះ នឹងបញ្ហាប្រឈមជាមួយគ្នាខ្លះដែរ ចាប់តាំងពីពេលដែល ពួកគេបានបើកបង្ហាញទំនាក់ទំនងរបស់ ពួកគេជាសាធារណៈមក។
ក៏ប៉ុន្តែរឿងមួយដែលDAWN និងមិត្តស្រីបានពិភាក្សា ជាមួយគ្នានោះគឺថា ប្រសិនបើថ្ងៃណាមួយពួកគេទាំងពីរ ពិតជាឈានដល់ផ្លូវបំបែកពិតមែននោះ គឺមានរឿងមួយដែលលោកនិងHyunA សន្យាមិនធ្វើនោះគឹ ពួកគេនឹងមិនលុបរូបគ្នាទៅវិញទៅមក ចេញពីក្នុងបណ្តាញសង្គម របស់ពួកគេឡើយ។ DAWN បញ្ជាក់ថាព្រោះលោកនិង មិត្តស្រីចង់ទុករូបទាំងនោះជា អនុស្សាវរីយ៍ជាមួយ នឹងគ្នានៅថ្ងៃក្រោយ៕