អេស្ប៉ាញ៖ ខ្សែបម្រើសញ្ជាតិក្រូអាតរបស់ក្លិប Real Madrid កីឡាករ Luka Modric បានបង្ហើបថាគាត់មានបំណងចង់ទៅលេងនៅក្របខណ្ឌ Serie A នាពេលអនាគត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមកាសែត Don Balon បានអោយដឹងថាកីឡាករ Luka Modric ក៏មានទំនាក់ទនងក្នុងផ្ទេរទៅកាន់ក្លិប Inter Milan និង AC Milan នាខែមករាខាងមុខនេះផងដែរ។
ម្ចាស់ជើងឯក Ballon d'Or ឆ្នាំ២០១៨រូបនេះបាននិយាយក្នុងទូរទស្សន៍ Skysports ថា៖
"ខ្ញុំចូលចិត្តប្រទេសអ៊ីតាលី ព្រោះវានៅកៀកនឹងប្រទេសក្រូអាត។ ខ្ញុំចង់ទៅលេងនៅ Serie A ពីព្រោះខ្ញុំមានមិត្តរួមជាតតិជាច្រើនកំពុងលេងនៅទីនោះ។ ប្រជាជនអ៊ីតាលីល្អណាស់ ហើយពួកគេមានចិត្តគំនិតស្រដៀងនឹងប្រជាជនក្រូអាតដែរ។"
ខ្សែបម្រើវ័យ៣៤ឆ្នាំរូបនេះបានបន្តទៀតថា៖
"ពួកយើងនឹងឃើញថាថ្ងៃណាមួយខ្ញុំនឹងលេងនៅប្រទេសអ៊ីតាលី ប៉ុន្តែឥលូវខ្ញុំមិនអាចនិយាយច្រើនអំពីរឿងនេះទេ ពីព្រោះខ្ញុំជាកីឡាកររបស់ Real Madrid។"
គួររម្លឹកផងដែរថាកីឡាករ Luka Modric បានចំណាយពេល៧ឆ្នាំហើយជាមួយនឹងក្លិប Real Madrid ដោយបង្ហាញខ្លួនអោយក្លិបដែលមូលដ្ឋាននៅទីក្រុង Madrid មួយនេះ បានចំនួន៣១២ប្រកួត ស៊ុតបញ្ចូលទីបាន១៨គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបានចំនួន៥០ដង៕
ប្រភព៖ Beinsports
Bong I.T