ស្ថានីយទូរទស្សន៍របស់ CBS (CTN MYTV និង CNC) នឹងធ្វើការផ្សាយបន្តផ្ទាល់ ការប្រកួតជម្រុះ «FIFA World Cup» រវាងហុងកុង និងកម្ពុជា!

ភ្នំពេញ៖ នេះជាការជួបគ្នាលើកទីពីរ រវាងក្រុមទាំងពីរ ក្នុងព្រឹត្តិការណ៍ខាងលើ ដែលកាលពីជុំទីមួយ កម្ពុជាបានប្រកួតស្មើជាមួយហុងកុង ដោយលទ្ធផល១ទល់នឹង១ នៅពហុកីឡដ្ឋានជាតិ រាជធានីភ្នំពេញ កាលពីថ្ងៃទី៥ ខែកញ្ញា ឆ្នាំ២០១៩។ សម្រាប់ជំនួបនៅថ្ងៃទី១៩ ខែវិច្ឆិកា ខាងមុខនេះ កម្ពុជាបានត្រៀមខ្លួនបានយ៉ាងល្អ ដើម្បីធ្វើដំណើរទៅសួរសុខទុក្ខក្រុមម្ចាស់ផ្ទះហុងកុង។

ចំពោះកម្ពុជា មុនការប្រកួតផ្លូវការទល់នឹងហុងកុង ក៏បានណាត់ជួបគ្នាជាមួយក្រុមជម្រើសជាតិម៉ុងហ្គោលី នៅថ្ងៃទី១៤ ខែវិច្ឆិកា ដែលជាការប្រកួតមិត្តភាពកម្ដៅសាច់ដុំតែប៉ុណ្ណោះ។

ដោយឡែក ហុងកុង នឹងស្វាគមន៍ក្រុមបារ៉ែន ដែលស្ថិតក្នុងពូល C ជាមួយគ្នា ក្នុងការប្រកួត FIFA World Cup Qatar 2022 វគ្គជម្រុះ Preliminary Joint Qualification Round 2 នៅថ្ងៃទី១៤ ខែវិច្ឆិកា ឆ្នាំ២០១៩ មុននឹងទទួលក្រុមគោព្រៃ នៅថ្ងៃទី១៩ ខែវិច្ឆិកា។

ការប្រកួតរវាងហុងកុងទល់នឹងកម្ពុជា នឹងមានផ្សាយបន្តផ្ទាល់លើកញ្ចក់ទូរទស្សន៍ CTN និង Facebook Page: CBS Sport។ ដូច្នេះសូមប្រិយមិត្តរង់ចាំតាមដានទស្សនាការប្រកួតដ៏ជក់ចិត្តនេះទាំងអស់គ្នា៕