បរទេស៖ មានរឿងរ៉ាវអាថ៌កំបាំងជាច្រើនដែលនិយាយពីការបាត់ខ្លួនមនុស្សតាំងពីអតីតកាលដោយគ្មានមូលហេតុ។ តួយ៉ាងដូចជារឿងក្ដីរបស់លោក Wiliam Earl Moldt ដែលបានបាត់ខ្លួនតាំងពីខែវិច្ឆិកាឆ្នាំ១៩៩៧។ មានការរាយការណ៍មកថា ពេលនោះលោក Moldt បានតេប្រាប់មិត្តស្រីរបស់លោកនៅម៉ោង៩កន្លះយប់ ថាគាត់នឹងចេញពីក្លឹបហើយនឹងត្រឡប់មកផ្ទះវិញឆាប់ៗ។ មានការរាយការណ៍បន្តទៀតថា លោក Moldt បានចាកចេញពីក្លឹបប្រហែលម៉ោង១១យប់ ហើយគេសង្ស័យថាប្រហែលជាលោកស្ថិតក្នុងស្ថានភាពស្រវឹងទើបមិនឃើញត្រឡប់មកផ្ទះវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរឿងក្ដីនេះនៅតែមិនទាន់អាចបំបែកបាន រហូតដល់មេជាងម្នាក់បានប្រើ Google Earth។ មេជាងម្នាក់នោះបានប្រាប់ឲ្យដឹងថា គាត់ចាប់អារម្មណ៍ចំនុចមួយនៅក្នុងស្រះដែលស្ថិតនៅតំបន់ផ្ទះអភិវឌ្ឍន៍ក្នុងតំបន់ Wellington រដ្ឋ Florida ដោយគាត់បានពង្រួមផែនទីឲ្យជិត ហើយគាត់បានឃើញឡានមួយនៅក្នុងស្រះ។ ប៉ូលីសក៏បានមកដល់តំបន់នេះ រួចក៏ទាញឡានឡើងយកមកត្រួតពិនិត្យ ហើយអ្វីដែលគួរឲ្យតក់ស្លុតនោះគឺគេឃើញមានគ្រោងឆ្អឹងនៅសល់។ បន្ទាប់ពីធ្វើកោសល្យវិច្ឆ័យមក គេដឹងថាវាពិតជាឆ្អឹងរបស់លោក Moldt មែន។ បើតាមសារព័ត៌មាន BBC បានបញ្ជាក់ឲ្យដឹងថា ប្រហែលជាលោក Moldt មិនអាចគ្រប់គ្រងស្ថានភាពក្នុងពេលបើកបរទើបបណ្ដាលឲ្យឡានរេចង្កូតធ្លាក់ចូលស្រះដូចនេះ៕