លោក Pep Guardiola អាចនឹងត្រឡប់ទៅដឹកនាំក្លិប Bayern Munich វិញដោយសារមូលហេតុមួយ

អាល្លឺម៉ង់៖ យោងតាមប្រភពព័ត៌មានមួយក្នុងប្រទេសអាល្លឺម៉ង់បានអោយដឹងថាលោក Pep Guardiola អាចនឹងវិលត្រលប់ទៅដឹកនាំក្លិប Bayern Munich វិញដោយសារតែគ្រួសាររបស់គាត់មិនពេញចិត្តក្នុងការរស់នៅទីក្រុង Manchester ស្របពេលដែលលោក Pep ក៏សម្រេចចិត្តរក្សាទុកផ្ទះរបស់គាត់នៅទីក្រុង Munich ផងដែរ។

ទន្ទឹមនឹងនេះបើយោងតាមគេហទំព័រ SportBild បានអោយដឹងថាលោក Pep ក៏ជាគោលដៅរបស់ក្លិប Bayern Munich ក្នុងការមកជំនួសលោក​ Niko Kovac ផងដែរ។

លោក Pep Guardiola បច្ចុប្បន្នកំពុងជាប់កុងត្រាជាមួយនឹងក្លិប Manchester City រហូតដល់ឆ្នាំ២០២១ ប៉ុន្តែក្លិប Bayern Munich នៅតែសង្ឃឹមថានឹងអាចបញ្ចុះបញ្ចូលលោក Pep អោយត្រលប់មកកាន់ទឹកដី Allian Arena វិញនៅរដូវក្ដៅឆ្នាំក្រោយ។

មុនពេលដែលគាត់ចាកចេញពីក្លិប Bayern Munich មកដឹកនាំក្លិប Manchester City កាលពី៣ឆ្នាំមុនលោក Pep ក៏ធ្លាប់បានសន្យាថា៖

គួរបញ្ជាក់ផងដែរថាលោក​ Pep Guardiola ធ្លាប់ចំណាយពេល៣ឆ្នាំដឹកនាំក្រុម Bayern Munich ពោលគឺចន្លោះឆ្នាំ២០១៣ ដល់ឆ្នាំ២០១៦ ដោយធ្លាប់ជួយអោយក្រុ​មយក្សនៅអាល្លឺម៉ង់មួយនេះ លើកពាន Bundesliga ៣រដូវកាលជាប់គ្នា ថែមទាំងឈ្នះពាន German Cup ២ដង ឈ្នះពាន FIFA Club World Cup ១ដង និងពាន UEFA Super Cup ១ដង៕

ប្រភព៖​ Dailymail