បរទេស៖ ទីភ្នាក់ងារអវកាស NASA បានប្រើឧបករណ៍ទំនើបៗដើម្បីបំពាក់លើយាន Mars 2020 rover ក្នុងបេសកកម្មស្វែងរកកំទេចហ្វូស៊ីលដែលអាចនឹងមាននៅលើភពអង្គារ។ អ្នកជំនាញមានការសង្ស័យទៅលើតំបន់ Jezero ដែលជាកន្លែងអាចនឹងមានផ្ទុកហ្វូស៊ីលជាច្រើន។ បេសសកកម្មរុករកនេះគឺចង់បញ្ជាក់ថាតើភពអង្គារធ្លាប់មានជីវិតរស់នៅឬអត់។ បើផ្អែកទៅតាមគម្រោង គេរំពឹងទុកថាយាន Mars 2020 rover អាចនឹងចុះចតនៅពាក់កណ្ដាលខែកុម្ភៈក្នុងឆ្នាំ២០២១។ ឧបករណ៍ដែលបានបំពាក់លើយាន្ត rover មានសមត្ថភាពខ្ពស់ក្នុងការស្វែងរកជីវមានជីវិតនៅទីអវកាសតាមរយៈការស្វែងរកអតិសុខុមប្រាណដែលធ្លាប់មានជីវិតកាលពីអតីតកាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជុំវិញតំបន់ Jezero គឺជារណ្ដៅដែលពោរពេញទៅដោយសារធាតុកាបូន ហើយគេជឿថាអាចនឹងមានហ្វូស៊ីលដែលធ្លាប់រស់រានមានជីវិតកាលពីរាប់ពាន់លានឆ្នាំមុន។ អង្គការ NASA មានការចាប់អារម្មណ៍យ៉ាងខ្លាំងទៅលើថ្ម stromatolites (ថ្មនៅក្បែរមាត់ទឹក) ដែលមាននៅលើភពផែនដីយើងហើយមានជាប់កំទេចកំទីធ្លាប់មានជីវិតកាលពីមុន។ ដូចគ្នានេះដែរ គេជឿថាសណ្ឋានដីរណ្ដៅ Jezero ធ្លាប់ជាបឹងមួយយ៉ាងធំដែលធ្លាប់ទ្រទ្រង់ជីវិតប៉ុន្តែប្រែជារីងអស់។ សំណាកដែលរកបាននឹងត្រូវបញ្ជូនត្រឡប់មកកាន់ផែនដីវិញសម្រាប់ធ្វើការវិភាគក្នុងបេសកកម្មនៅថ្ងៃអនាគត។ លទ្ធផលទាំងនេះអាចនឹងស្រាយបំភ្លឺជីវិតនៅលើភពអង្គារកាលពីមុនដែលធ្លាប់តែមានទឹកប្រែក្លាយជាវាលធូលីក្នុងពេលបច្ចុប្បន្ន។ យាន្ត rover នឹងត្រូវចំណាយពេល២ឆ្នាំដើម្បីសិក្សាផ្ទៃរណ្ដៅដែលព័ទ្ធជុំវិញដោយដីសណ្ដ៕