ថៃ៖ កាលពីពេលថ្មីៗកន្លងទៅនេះ តារាសម្តែងថៃMark Prin បានបង្ហាញវត្តមានចូលរួម ក្នុងកម្មវិធីមួយព្រមទាំងបានផ្តល់ជា បទសម្ភាសន៍មួយចំនួនទាក់ទាងនឹង គម្រោងអនាគតជាមួយមិត្តស្រី របស់លោកថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងលោកបានទម្លាយថា លោកនិងមិត្តស្រីគឺ តារាសម្តែងស្រីKimmy Kimberley បានទិញដីមួយកន្លែងដែលមាន ទីតាំងស្ថិតក្នុងខេត្តKhao Yai រួមទាំងបានសង់ផ្ទះលំហែ នៅទីនោះថែមទៀតផង។ លោកក៏បានបញ្ជាក់ផងដែរថានេះ គឺជាការវិនិយោគរវាង លោកនិងមិត្តស្រី។ ហើយមូលហេតុដែលលោកនិង មិត្តស្រីសម្រេចទិញដីនិងសង់ផ្ទះលំហែនៅទីនោះ ក៏ព្រោះតែធម្មជាតិរួមទាំង ទេសភាពនៅទីនោះ មានភាពស្រស់ស្អាតខ្លាំង។
លើសពីនេះទៀតMark Prin ក៏បានលើកឡើងថាលោកបាន រកមើលកន្លែងជាច្រើននៅក្នុងទីក្រុងបាងកក ពីព្រោះលោកចង់ស្វែងរកកន្លែងណា ដែលជិតសាលានិងងាយស្រួល សម្រាប់កូនៗរបស់លោក។ ក៏ប៉ុន្តែនៅពេលដែលសាកសួរពី គម្រោងរៀបការជាមួយនឹងមិត្តស្រីលោក ក៏បានឆ្លើយបញ្ជាក់ប្រាប់ផងដែរថា មិនទាន់នោះទេ គម្រោងសម្រាប់ការរៀបការ នៅមិនទាន់មានពន្លឺនោះទេ។ លោកបញ្ជាក់ថាលោក និងមិត្តស្រីមិនទាន់ប្រញាប់ គិតពីរឿងនេះនោះទេ៕