Juventus ត្រៀមដាក់សំណើចរចាយកកីឡាករឆ្នើម១រូបរបស់ក្លិប Roma មកពង្រឹងតំបន់ប្រយុទ្ធ

//s5.kh1.co/a9/a93b015b93b92c9b07c1bb4be121ab806eacfd01.jpg
កីទ្បា

 ១៣-វិច្ឆិកា-២០១៩ ២ល្ងាច · ៤ ឆ្នាំមុន

អ៊ីតាលី៖ ក្លិបសេះបង្កង់ Juventus ត្រូវបានគេរាយការណ៍ថាកំពុងចាប់អារម្មណ៍ចង់បានខ្សែបម្រើប្រយុទ្ធរបស់ក្លិប​ Roma កីឡាករ Nicolo Zaniolo បើទោះបីជាមានការលំបាកក្នុងការបញ្ចុះបញ្ចូលក្លិបគូប្រជែង១នេះអោយលក់ក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករ Nicolo Zaniolo
កីឡាករ Nicolo Zaniolo

ខ្សែបម្រើប្រយុទ្ធវ័យ២០ឆ្នាំរូបនេះ បានបង្ហាញទម្រង់លេងយ៉ាងគួរអោយចាប់អារម្មណ៍ក្នុងរដូវកាលថ្មីនេះ ដោយបង្ហាញខ្លួនបាន១៦ប្រកួត ស៊ុតបញ្ចូលទីបាន៥គ្រាប់និងបញ្ជូនបាល់អោយមិត្តរួមក្រុមសម្រេចទីបានចំនួន១ដង។

យោងតាមកាសែត Calciomercato បានអោយដឹងថាក្លិបសេះបង្កង់​ Juventus គ្រោងនឹងដាក់សំណើដេញថ្លៃយកខ្សែបម្រើសញ្ជាតិអ៊ីតាលីរូបនេះក្នុងតម្លៃចន្លោះ ៣៥លានអឺរ៉ូ ទៅ ៤០លានអឺរ៉ូនៅរដូវក្ដៅឆ្នាំក្រោយ។

យ៉ាងណាមិញក្លិប​ Roma ហាក់គ្មានបំណងក្នុងការលក់ខ្សែបម្រើប្រយុទ្ធវ័យក្មេងរូបនេះទេ ដោយស្ថិតត្រង់ថាក្លិបទើបតែផ្ដល់កុងត្រាថ្មីទៅដល់រូបគេដែលមានសុពលភាពរហូតដល់ឆ្នាំ២០២៤ឯណោះ។

កីឡាករ Nicolo Zaniolo
កីឡាករ Nicolo Zaniolo

គួររម្លឹកផងដែរថាកីឡាករ Nicolo Zaniolo បានចាកចេញពីក្លិប Inter Milan មកចូលរួមជាមួយនឹងក្លិប Roma កាលពីឆ្នាំ២០១៨ ជាមួយនឹងតម្លៃផ្ទេរ៤,៥លានអឺរ៉ូ (ឬប្រហែល៤,៩លានដុល្លារអាមេរិក) ដោយស៊ុតបញ្ចូលទីបាន១១គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបានចំនួន៣ដង ក្នុងការបង្ហាញខ្លួនចំនួន៥២ប្រកួត៕

ប្រភព៖ Caughtoffside

Thy Pagnarith
P.R

អត្ថបទទាក់ទង

//s9.kh1.co/f5/f5fc5bb0c90dd856539266657aca63fe99cacb3d.jpg

ផ្ទុះការភ្ញាក់ផ្អើលខ្លាំងរឿងតម្លៃខ្លួនផេតដាំ និងឈូចារើន មកវា..យនៅកម្ពុជាបានខ្ទង់ម៉ឺនដុល្លារ ចុះមានដឹងអត់នៅស្រុកថៃវិញអ្នកទាំងពីរបានតម្លៃខ្លួនប៉ុន្មាន

 ២៨-មីនា-២០២៤ 
 ៥ល្ងាច · ១២ ម៉ោងមុន
រក្សាសិទ្ធិ Mediaload
Powered by Bong I.T Bong I.T