Jimin និង Lee Min Ho បង្ហាញខ្លួនក្នុងបញ្ជី បុរសស៊ិចស៊ីទូទាំងពិភពលោកប្រចាំឆ្នាំ ២០១៩

កូរ៉េខាងត្បូង ៖ កាលពីពេលថ្មីៗកន្លងទៅនេះ បណ្ដាញសារព័ត៌មានបរទេស ទើបតែបានបង្ហាញពីលទ្ធផលនៃការបោះឆ្នោតស្វែងរក តារាប្រុសល្បីៗជុំវិញពិភពលោក ដែលសាកជាបុរសស៊ិចស៊ីបំផុតទូទាំងពិភពលោក ឬក៏ Sexiest Man in the World ប្រចាំឆ្នាំ ២០១៩។

ជាលទ្ធផល​ គេសង្កេតឃើញថា តារាប្រុសល្បីឈ្មោះ សមាជិកក្រុម BTS គឺ Jimin និងសម្ដែងល្បី Lee Min Ho បានឈរនៅចំណាត់ថ្នាក់កំពូលនៃការស្ទង់មតិនេះ។

ក្នុងនោះដែរ Jimin ទទួលបានការគាំទ្រដល់ទៅ ១៧,២០៤ សម្លេង ដែលស្មើរនឹង ៤៤.៧ភាគរយនៃចំនួនការ​គាំទ្រសរុប។ ចំណែកឯ Lee Min Ho ទទួលបាន ៣,៣២៥ សម្លេង ដែលស្មើនឹង ៨.៦៤ភាគរយនៃចំនួនសរុប។

គួរបញ្ជាក់ផងដែរថា ក្រៅពី Jimin និង Lee Min-Ho នៅក្នុងវគ្គផ្តាច់ព្រ័ត្រនេះ ក៏មានវត្តមានរបស់តារាល្បីៗជាច្រើនទៀតផងដែរ រួមមានតារាប្រុស Yang Yang និង Dylan Wang របស់ចិន តារាប្រុស Nam Joo Hyuk របស់កូរ៉េខាងត្បូង តារាប្រុស Daniel Padilla របស់ហ្វីលីពីនជាដើម៕

ទស្សនារូបភាពខាងក្រោម ៖