បរទេស៖ មានពាក្យចចាមអារ៉ាមថា Macbook ដែលមានអេក្រង់១៦អ៊ីញ នឹងត្រូវបញ្ចេញជាសាធារណៈក្នុងពេលឆាប់ៗ បើផ្អែកតាមសារព័ត៌មាន Bloomberg។ លោក Mark Gurman បានរាយការណ៍ថាក្រុមហ៊ុន Apple នឹងបញ្ចេញកុំព្យូទ័រថ្មីនៅថ្ងៃស្អែកនេះ ហើយនឹងបញ្ចេញលក់នៅក្នុងអាទិត្យនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគេនឹងរំពឹងទុកថា Macbook Pro ជំនាន់ថ្មីអាចនឹងមានតម្លៃប្រហាក់ប្រហែលនឹង Macbook Pro អេក្រង់១៥អ៊ីញជំនាន់មុន ដែលមានតម្លៃចាប់ពី ២,៣៩៩ដុល្លារ។ បើតាមសម្ដីរបស់លោក Gurman ដដែលបានបញ្ជាក់ឲ្យដឹងថាកុំព្យូទ័រជំនាន់ថ្មីនឹងខុសប្លែកខ្លាំងពី MacBook Pro អេក្រង់១៥អ៊ីញជំនាន់ចាស់ៗ។
មិនត្រឹមតែមានអេក្រង់កាន់តែធំ Macbook Pro អេក្រង់១៦អ៊ីញនឹងធ្វើការផ្លាស់ប្ដូររចនាបថក្ដារចុចបែបថ្មីឲ្យកាន់តែងាយស្រួលប្រើជាងក្ដារចុចជំនាន់មុន។ ទាំងនេះដោយសារតែក្ដារចុចមេអំប៉ៅជំនាន់មុនមានភាពស្អិត សរសេរចេញច្រើនតង់រួមទាំងបញ្ហាផ្សេងៗទៀត។
សារពត័ត៌មាន Bloomberg បានបញ្ជាក់ទៀតថាក្រុមហ៊ុន Apple ក៏មានគម្រោងកែទម្រង់ថ្មីទៅកាន់កុំព្យូរទ័រលើតុ Mac Pro ដែលអាចនឹងបញ្ចេញនៅពេលណាមួយក្នុងខែធ្នូផងដែរ ដែលកន្លងមកក្រុមហ៊ុន Apple បានបញ្ចេញទូរសព្ឌដៃ iPhone 11, 11 Pro និង 11 Pro Max និងបន្ទាប់មកទៀតគឺ Airpods ស៊េរីថ្មី៕