ចិន៖ ថ្មីៗនេះ មហាជនអ្នកលេងបណ្ដាញសង្គមជាច្រើនបានសម្ដែងនូវការភ្ញាក់ផ្អើលយ៉ាងខ្លាំងជុំវិញវីដេអូឃ្លីបមួយ ដែលត្រូវបានថតបង្ហោះ នូវត្រីមួយក្បាលមានមុខមាត់ស្រដៀងនឹងមនុស្ស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា វីដេអូឃ្លីបនោះត្រូវបានថតនៅស្រះមួយកន្លែងក្នុងភូមិ Miao ទីក្រុង Kunming ប្រទេសចិន ដែលត្រូវគេយកទៅបង្ហោះចែកចាយលើបណ្ដាញសង្គម Weibo ដោយទទួលបានការចាប់អារម្មណ៍យ៉ាងខ្លាំង។
យោងតាមវីដេអូឃ្លីបខ្លីបានបង្ហាញឲ្យឃើញថា ត្រីមួយក្បាលកំពុងហែលក្នុងស្រះ ស៊ីចំណី ដោយមានមាត់ ច្រមុះ និងភ្នែក ដែលមើលទៅហាក់បីដូចជាមុខរបស់មនុស្សប្រុសពិតៗអីចឹង។
ស្ត្រីដែលជាអ្នកថតវីដេអូបានភ្ញាក់ផ្អើលដល់ថ្នាក់លាន់មាត់ហៅត្រីនោះថា ជាត្រីនៅក្នុងរឿងព្រេងទៀតផង។
ប្រភពបានបន្ដថា ត្រីមួយក្បាលនោះត្រូវបានគេស្គាល់ថាជាត្រី Carp។ ចំពោះត្រីប្រភេទនេះមានមុខមាត់ស្រដៀងនឹងមនុស្ស គឺកម្រមានណាស់។
គួររម្លឹកដែរថា កាលពីឆ្នាំ២០១០កន្លងទៅនេះ ក៏មានបុរសវ័យ៤៤ឆ្នាំម្នាក់ នៅក្នុងប្រទេសអង់គ្លេសបានទិញត្រី Carp មួយក្បាលយកទៅចិញ្ចឹម។ រយៈពេល៥ខែក្រោយមក ត្រីមួយក្បាលនោះបានធំលូតលាស់ដោយមានផ្ទៃមុខស្រដៀងទៅនឹងមនុស្សផងដែរ។
ទន្ទឹមនឹងនេះ ក៏មានមហាជន អ្នកលេងបណ្តាញសង្គមមួយចំនួនបានបញ្ចេញមតិថា៖
សូមទស្សនារូបភាពនិងវីដេអូខាងក្រោម៖