តើអ្នកបានដឹងដែរឬទេថា អ្នកអាចសន្សំសំចៃប្រេងសាំងបានយ៉ាងច្រើនដោយគ្រាន់តែផ្លាស់ប្តូរទម្លាប់បើកបររបស់អ្នក? ដោយអនុវត្តតាមវិធីខាងក្រោមនេះ អ្នកនឹងអាចសន្សំសំចៃប្រាក់ព្រមទាំងជួយទៅដល់បរិស្ថានបាន មិនថាអ្នកបើកបររថយន្តប្រភេទណានោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សធ្វើការឆែកមើលរថយន្តជាប្រចាំ
រថយន្តរបស់អ្នកត្រូវការបរមាណឧស្ម័ន្តនិងប្រេងឥន្ធនៈក្នុងបរិមាណសមស្របដើម្បីរត់ប្រកបដោយប្រសិទ្ធិភាព។ រថយន្តដែលត្រូវបានថែរក្សាបានត្រឹមត្រូវរត់បានដោយរលូន និងស៊ីសាំងតិច។
សប់កង់ក្នុងបរិមាណសមរម្យ
កង់រថយន្តធូរពេកធ្វើឲ្យរថយន្តស៊ីសាំងច្រើន ហើយថែមទាំងគ្រោះថ្នាក់ថែមទៀតផង។ ម្ចាស់រថយន្តគួរតែឆែកមើលពីបរិមាណខ្យល់ក្នុងកង់ដែលត្រូវបានណែនាំដោយក្រុមហ៊ុន និងធ្វើឲ្យប្រាកដថាកង់រថយន្តត្រូវបានសប់ដល់កម្រិតអតិបរមានៃ PSI ជាសម្ពាធវាស់នៃពេលត្រជាក់។
រួមដំណើរខ្លីៗបញ្ចូលគ្នា
ម៉ាស៊ីនដែលក្តៅស៊ីសាំងតិចជាងម៉ាស៊ីនត្រជាក់។ ការរៀបចំកាលវិភាគដោយបញ្ចូលដំណើរខ្លីៗច្រើនដងដែលអ្នកត្រូវធ្វើ ឲ្យទៅជាដំណើរវែងតែមួយជួយសន្សំសំចៃសាំង ព្រមទាំងពេលវេលាផងដែរ។
បើកបរដោយល្បឿនល្មម
ខណៈដែលរថយន្តអាចនឹងមានលក្ខណៈខុសៗគ្នា រថយន្តស៊ីសាំងច្រើនជាងមុននៅពេលដែលវាត្រូវបានបើកក្នុងល្បឿនលើសពី ៥០ ម៉ាយ (៨០គីឡូម៉ែត្រ) ក្នុងមួយម៉ោង។ ដើម្បីសន្សំសំចៃសាំង អ្នកគួរតែបើកបររថយន្តក្នុងល្បឿននេះ ឬក្រោមនេះ ហើយក៏គួរតែព្យាយាមរក្សាលេខឲ្យនៅខ្ពស់ជាងគេនៅពេលបើកបរ។
កុំបើកបរសាហាវពេក
ទម្លាប់បើកបរសាហាវៗដូចជា រោទន៍ម៉ាស៊ីនរថយន្តលឺៗ ការបង្កើនល្បឿនតៗគ្នា ការកាច់ចង្កូតខ្លាំងពេកនៅផ្លូវកាច់ជ្រុង និងការជាន់ហ្គាលកប់ គឺជាកត្តាខ្ជះខ្ជាយប្រេងសាំង។ ជាមួយគ្នានេះដែរ ការបើកបរបង្អូសៗ ដូចជាបើកម៉ាស៊ីនរថយន្តចោលនៅពេលស្ទះផ្លូវយូរ ក៏ធ្វើឲ្យអ្នកអស់សាំងកាន់តែច្រើនផងដែរ។
កុំដាក់ឥវ៉ានលើរថយន្តធ្ងន់ពេក
ការដាក់ធ្ងន់ពេកនៅលើរថយន្តដាក់បន្ថុកធ្ងន់ទៅលើម៉ាស៊ីន ធ្វើឲ្យវាស៊ីសាំងបន្ថែម។ អ្នកគួរតែព្យាយាមយកឥវ៉ានដែលមិនចាំបាច់សម្រាប់ការធ្វើដំណើររបស់អ្នក។ ជាមួយគ្នានេះដែរ ការបើកបររថយន្តដោយបិទបង្អួចក៏ជួយកាត់បន្ថយសាំងមួយចំណែកផងដែរ ដោយសារតែវាកាត់បន្ថយកម្លាំងកកិតនៃរថយន្តជាមួយនឹងខ្យល់៕