ចិន៖ កាលពីថ្ងៃទី១ ខែវិឆ្ឆិកា ឆ្នាំ២០១៩កន្លងទៅនេះ បុរសដែលជាកម្មករសំណង់ម្នាក់ ជួបឧប្បត្តិហេតុដាច់ម្រាមដៃ ខណៈពេលកំពុងធ្វើការ នៅក្នុងការដ្ឋានសាងសង់មួយកន្លែង ក្នុងទីក្រុង Ezhou ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា បុរសរូបនោះមាននាមត្រកូល Xu និងមានអាជីពជាកម្មករសំណង់។ នៅក្នុងថ្ងៃកើតហេតុ ខណៈពេលកំពុងធ្វើការ គាត់មិនប្រយ័ត្ន បានធ្វើឲ្យម្រាមដៃចូលទៅក្នុងម៉ាស៊ីន បណ្ដាលឲ្យដាច់។ វេជ្ជបណ្ឌិតនៅក្នុងតំបន់នោះបាន ប្រាប់គាត់ថា ម្រាមដៃអាចត.វិញបានក្នុងរយៈពេល៥ម៉ោង។ ភ្លាមនោះៗ គាត់និងអ្នករួមការងារជាមួយគ្នា បានជិះតាក់ស៊ីទៅកាន់មន្ទីរពេទ្យដែលមានសេវាត.ម្រាមដៃ ដែលមានចម្ងាយ៦០គីឡូម៉ែត្រពីទីក្រុង Ezhou។
ប្រភពបានបន្ដថា លុះពេលជិតទៅដល់មន្ទីរពេទ្យ បែរជាត្រូវស្ទះចរាចរណ៍យ៉ាងខ្លាំង គាត់ក៏សម្រេចចិត្តចេញពីតាក់ស៊ី រត់សំដៅទៅកាន់មន្ទីរពេទ្យ។ បន្ទាប់ពីបំពេញឯកសារឲ្យខាងមន្ទីរពេទ្យរួចមក ទើបគាត់ដឹងថា ម្រាមដៃដែលដាច់និងខ្ចប់ទុកក្នុងក្រដាសជូតមាត់បានភ្លេចនៅក្នុងតាក់ស៊ី។ ដោយសារតែប្រញាប់ មិនបានយកវិក័យប័ត្របង់ប្រាក់រួច និងមិនចាំស្លាកលេខរថយន្ដទៀត ទើបគាត់មិនដឹងទាក់ទង់ទៅអ្នកបើកតាក់ស៊ីដោយវិធីណា។ ក្រោយមក គាត់ក៏បានរាយការណ៍ទៅកាន់ប៉ុស្ដិ៍ប៉ូលិសដើម្បីឲ្យជួយរកអ្នកបើកតាក់ស៊ីនោះ។
យ៉ាងណាមិញ ៣០នាទីក្រោយពីប៉ូលិសបានផ្សព្វផ្សាយតាមរយៈវិទ្យុរួចមក អ្នកបើកតាក់ស៊ីរូបនោះបានរកឃើញម្រាមដៃ និងយកទៅប្រគល់ឲ្យលោក Xu វិញ។ ទីបំផុតម្រាមដៃដែលបានដាច់ ត្រូវបានត.ភ្ជាប់ទាន់ពេលវេលា៕
សូមទស្សនារូបភាពខាងក្រោម៖