ស៊ែប៊ី៖ ខ្សែប្រយុទ្ធរបស់ Tottenham Hotspur កីឡាករ Son Heung-min បានសម្ដែងការសុំទោសដល់ខ្សែបម្រើ Everton កីឡាករ Andre Gomes ចំពោះរឿងរ៉ាវដែលបានកើតឡើងកាលពីថ្ងៃអាទិត្យក្នុងការប្រកួតរវាង Everton និង Spurs ក្នុងក្របខណ្ឌ Premier League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រោយចប់ការប្រកួតដែល Spurs យកឈ្នះ Crvena Zvezda ក្នុងលទ្ធផល ០ទល់នឹង៤ កាលពីយប់មិញ ខ្សែប្រយុទ្ធជម្រើសជាតិកូរ៉េខាងត្បូងបានសុំអភ័យទោសចំពោះអតីតខ្សែបម្រើរបស់ Barcelona ដោយបាននិយាយថា៖
“ជាការពិតវាបាននៅដិតដានក្នុងរយៈពេល២-៣ថ្ងៃ ប៉ុន្តែខ្ញុំពិតជាសំណាងដែលមានការលើកទឹកចិត្ត ពីសំណាក់អ្នកគាំទ្រ និងមិត្តរួមក្រុម។”
ម្ចាស់អាវលេខ៧ របស់ Spurs រូបនេះបានបន្តទៀតថា៖
“ខ្ញុំពិតជាសុំទោសខ្លាំងមែនទែនចំពោះហេតុការណ៍ដែលបានកើតឡើង ប៉ុន្តែអ្វីដែលខ្ញុំត្រូវធ្វើពេលនេះគឺការផ្ដោតអារម្មណ៍ជាមួយក្រុម និងព្យាយាមបន្តទៅមុខទៀតដែលនេះជាអ្វីដែលខ្ញុំត្រូវធ្វើសម្រាប់អ្នកគាំទ្ររបស់ខ្ញុំ។”
អ្វីដែលរឹតតែគួរឲ្យចាប់អារម្មណ៍នោះ ក្រោយស៊ុតចូលយប់មិញ Heung-min Son មិនបានអបអរគ្រាប់បាល់របស់ខ្លួនោះទេ ប៉ុន្តែគេបានបង្ហាញជាកាយវិការសំពះដើម្បីជាការសុំអភ័យទោសទៅដល់ Andre Gomes៕
ចង់ឃើញថា Son បង្ហាញកាយវិការគួរឲ្យគោរពយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖
Son scores for Tottenham and then goes towards the camera and apologises to Andre Gomes.
— Football HQ (@FootbaII_HQ) November 6, 2019
You just can't hate Son. This is pure class! pic.twitter.com/GyFCmmt4Nw
ប្រភព៖ FoxSportsAsia
Bong I.T