ភ្នំពេញ៖ កាលពីថ្ងៃទី០២ ខែវិច្ឆិកា ឆ្នាំ២០១៩ លោកឧកញ្ញា អ៊ុច សម្បត្តិ និងលោកជំទាវ ហ៊ឹម សុភ័ក្រ ដែលជាថ្នាក់ដឹកនាំជាន់ខ្ពស់របស់ក្រុមហ៊ុន គ្រួសារកក់ក្តៅ ជាក្រុមហ៊ុនគ្រឿងសម្អាងម៉ាកសញ្ញាក្នុងស្រុក មានរោងចក្រផលិតផ្ទាល់ខ្លួន ដែលកំពុងតែល្បីល្បាញឈ្មោះ និងជោគជ័យយ៉ាងខ្លាំងលើវិថីជំនួញអនឡាញ ព្រមទាំងជាក្រុមហ៊ុនដែលបានជួយស្រី្តមេផ្ទះ និងស្រ្តីរកចំណូលបានតិចរាប់ម៉ឺននាក់នៅក្នុងប្រទេសកម្ពុជា ឲ្យរកចំណូលបានច្រើន និងក្លាយជាស្រ្តីអ្នកជំនួញដ៏ខ្លាំងពូកែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកឧកញ្ញាអគ្គនាយក និងលោកជំទាវអគ្គនាយិកា បានផ្តួចផ្តើមពិធីបុណ្យកឋិនទានដ៏ធំ និងអធិអធមមួយរបស់មហាគ្រួសារកក់ក្តៅ ដែលមានការចូលរួមពីសមាជិកតំណាងចែកចាយគ្រួសារកក់ក្តៅរាប់រយនាក់ បានដង្ហែរអង្គកឋិនទៅកាន់វត្ត រលាំងកំពូល ស្ថិតនៅឃុំត្រពាំងគង ស្រុកសំរោងទង ខេត្តកំពង់ស្ពឺ ក្នុងឱកាសពិធីបុណ្យកឋិនទាន ដែលបងប្អូនជនរួមជាតិខ្មែរទូទាំងប្រទេសកំពុងតែសប្បាយរីករាយសាទរ។
គួបញ្ជាក់ផងដែរថា ក្រុមហ៊ុន គ្រួសារកក់ក្តៅ មិនមែនត្រឹមជាក្រុមហ៊ុនដែលបានជួយដល់ស្រ្តីមេផ្ទះរាប់ម៉ឺននាក់អាចរកចំនូលបានតាមរយៈក្រុមហ៊ុន គ្រួសារកក់ក្តៅ នោះទេ ក្រុមហ៊ុនក៏បានជួយពួកគាត់ឲ្យចូលរួមពិធីបុណ្យបែបសាសនា ដើម្បីបង្ហាញពីសាមគ្គីភាព និងភាពកក់ក្តៅ ភាពជោគជ័យទៅមុខទាំងអស់គ្នា ក្រោមដំបូលដ៏សែនកក់ក្តៅរបស់សមាជិករបស់ក្រុមហ៊ុន គ្រួសារកក់ក្តៅ ហើយក្រៅពីការរកស៊ីជោគជ័យ លោកឧកញ្ញាអគ្គនាយក និងលោកជំទាវអគ្គនាយិកាក៏តែងតែគិតគូរលើបុណ្យទាន និងព្រះពុទ្ធសាសនាផងដែរ ជឿថាធ្វើល្អបានល្អ ប្រឹងប្រែងឲ្យអស់លទ្ធភាព និងទទួលបានជោគជ័យដូចក្រុមហ៊ុន គ្រួសារកក់ក្តៅ ដែរ៕