Kyle Walker ប្ដូរជំនាញពីខ្សែការពារមកចូលចាំទីជំនួស Bravo ក្នុងជំនួបទល់នឹងក្រុម Atalanta កាលពីយប់មិញនេះ (មានវីដេអូ)

អ៊ីតាលី៖ ក្រុម Atalanta ក្នុងនាមជាម្ចាស់ផ្ទះបានបើកទ្វារកីឡដ្ឋាន San Siro ទទួលស្វាគមន៍ក្រុមភ្ញៀវ Manchester City ក្នុងព្រឹត្តិកាណ៍ Champions League កាលពីរាត្រីថ្ងៃពុធកន្លងទៅនេះ។

ក្នុងការប្រកួតនេះក្រុមទាំងពីរគ្នាមានឱកាសសម្រុកគ្នាទៅវិញទៅមក ដោយក្រុមម្ចាស់ផ្ទះស៊ុតបាន​ ៥ជើងចំគោលដៅ២ដង សម្រេចទីបាន១គ្រាប់ ចំណែកឯក្រុមភ្ញៀវស៊ុតបាន៨ជើងចំគោលដៅ៤ដង ទម្លុះសំណាញ់ទីបាន១គ្រាប់ដូចគ្នា។

១គ្រាប់របស់ក្រុមម្ចាស់ផ្ទះធ្វើបានដោយកីឡាករ Mario Pasalic រីឯ១គ្រាប់របស់ក្រុមភ្ញៀវរកបានតាមរយៈកីឡាករ Raheem Sterling។

អ្វីដែលគួរអោយកត់សម្គាល់ក្នុងការប្រកួតនេះគឺនៅនាទី៤៦អ្នកចាំទីដៃទី១របស់ក្រុម Manchester City កីឡាករ Ederson Moraes របួសក៏ត្រូវប្ដូរចេញ ជំនួសវិញដោយអ្នកចាំទីដៃទីពីរកីឡាករ Claudio Bravo។ លុះមកដល់នាទីទី៨០ ជាអកុសលអ្នកចាំទីរបស់ក្រុម Man City កីឡាករ Bravo បានទទួលកាតក្រហមបណ្ដេញចេញពីការប្រកួត បន្ទាប់ពីរូបគេបង្កកំហុសទៅលើខ្សែប្រយុទ្ធ​ក្រុម Atalanta ដោយលោក Pep Guardiola បង្ខំចិត្តត្រូវប្ដូរខ្សែការពារស្លាបស្ដាំកីឡាករ Kyle Walker ចូលមកចាំទីជំនួសវិញ៕

បើចង់ឃើញទឹកដៃចាំទីរបស់កីឡាករ Kyle Walker ល្អយ៉ាងណានោះសូមទស្សនាវីដេអូខាងក្រោម៖