អេស្ប៉ាញ៖ ក្រោមក្រសែភ្នែកអ្នកគាំទ្រចូលរួមទស្សនាជាង ៦ម៉ឺននាក់នៅកីឡដ្ឋាន Santiago Bernabeu ក្លិបយក្សអេស្ប៉ាញ Real Madrid បានបន្តរកបាន ៣ពិន្ទុពីការប្រកួតជុំទីបួនវគ្គសន្សំពិន្ទុក្នុងពូល A ពានរង្វាន់ UEFA Champions League ដោយបានយកឈ្នះ Galatasaray ៦ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៦គ្រាប់របស់កូនក្រុមលោក Zidane ធ្វើបានសម្រេចដោយកីឡាករ ៣រូបផ្សេងគ្នារួមមាន ៣គ្រាប់ដោយខ្សែប្រយុទ្ធវ័យក្មេង Rodrygo, ២គ្រាប់ដោយខ្សែប្រយុទ្ធចាស់វស្សា Karim Benzema និងមួយគ្រាប់ដោយការទាត់បាល់ពិន័យ ១១ម៉ែត្ររបស់ប្រធានក្រុម Sergio Ramos។
នៅក្នុងការប្រកួតនោះ Real Madrid គ្រប់គ្រងបាល់ដល់ទៅ ៦៤% និងមានឱកាសស៊ុត ១៧លើក ចំគោលដៅ១២លើក និងមិនចំគោលដៅ ៥លើក ខណៈក្រុមភ្ញៀវ Galatasarary មានឱកាសស៊ុតត្រឹម ៣លើកប៉ុណ្ណោះ ដោយចំគោលដៅ២លើក និងខុសគោលដៅ១លើក។
ចំពោះលទ្ធផលមួយគូទៀតក្នុងពូល A ជាមួយគ្នានោះដែរគឺក្លិបអ្នកមាននៅបារាំង Paris Saint-Germain បានយកឈ្នះក្រុមភ្ញៀវ Club Brugge ដោយលទ្ធផល ១ទល់នឹង០។
ក្រោយជ័យជម្នះលើ Galatasaray ក្លិប Real Madrid បន្តឈរនៅចំណាត់ថ្នាក់លេខ២ក្នុងពូល A ដដែលដោយ ៤ប្រកួតឈ្នះ២ ស្មើ១ និងចាញ់១ មាន៧ពិន្ទុ តាមពីក្រោយក្រុមលេខ១ PSG ដែល៤ប្រកួតឈ្នះទាំង៤ និងមាន១២ពិន្ទុ៕
សូមទស្សនាវីដេអូ Highlight នៅខាងក្រោម៖