បរទេស៖ អតីតអ្នកចាត់ការទូទៅក្រុមកាំភ្លើងធំ Arsenal លោក Arsene Wenger បានរិះគន់ចំៗទៅលើក្រុម Barcelona ក្រោយប្រកួតស្មើ ០ទល់នឹង០ ជាមួយនឹងក្រុម Slavia Prague ក្នុងព្រឹត្តិការណ៍ Champions League កាលពីយប់មិញថា ក្លិប Barcelona លេងបាល់ហាក់ពឹងផ្អែកទៅលើ Messi ខ្លាំងពេក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Arsene Wenger បច្ចុប្បន្នកំពុងតែទំនេរពីការងារជាគ្រូបង្វឹក ដោយលោកតែងតែត្រូវបានអញ្ជើញទៅវិភាគក្នុងកម្មវិធីកីឡារជារឿយៗ ហើយកាលពីយប់មិញនេះលោកត្រូវបានទូរទស្សន៍ Beinsports អញ្ជើញទៅវិភាគការប្រកួតរវាងក្រុម Barcelona ទល់នឹងក្រុម Slavia Prague ។
លោក Arsene Wenger បាននិយាយក្នុងទូរទ្សន៍ Beinsports ថា៖
"ពួកគេ (Barcelona) ជាក្រុមកំពូលក្នុងលីគ ក៏ដូចជាក្រុមកំពូលក្នុងពូល ប៉ុន្តែពួកគេលេងបាល់ដូចក្រុមដែលកំពុងជួបវិបតិ្តអ្វីម្យ៉ាង។ ពួកគេលេងបាល់ហាក់មានភាពយឺតយ៉ាវនិងមិនសូវមានភាពស្វាហាប់ ហើយពេលខ្លះលេងលក្ខខណៈ ឯកត្តជនពេក។រាល់ពេលដែលពួកគេបាត់បាល់ មើលទៅវាហាក់ដូចជាអាចនឹងត្រូវរបូតគ្រាប់ ពេលដែលគូប្រកួតវាយបកមកវិញ។ ក្រុមមួយនេះខ្វះភាពស្វាហាប់ ខ្វះថាមពល និងខ្វះទំនុកចិត្ត។"
លោក Arsene Wenger បានបន្តទៀតថា៖
"ថ្ងៃនេះពួកគេលេងបាល់ដូចចាំតែ Messi ម្នាក់ វាហាក់បីដូចជាបាត់ភាពខ្លាំងនៃការលេងជាក្រុម។"
ប្រភព៖ Dailypost
Bong I.T