ស្ត្រីជាម្ដាយម្នាក់ ស្ទើរគាំងបេះដូងស្លាប់ ព្រោះតែកូនល្ងង់ពេកពន្យល់កិច្ចការសាលាយ៉ាងម៉េចក៏មិនយល់

ចិន៖ ថ្មីៗនេះ ស្ត្រីម្នាក់​ រស់នៅក្នុងខេត្ត Hubei ប្រទេសចិន ខឹងសម្បារយ៉ាងខ្លាំងចំពោះកូនដែលពន្យល់កិច្ចការសាលាយ៉ាងម៉េចក៏មិនយល់ បណ្ដាលឲ្យគាត់គាំងបេះដូងស្ទើរស្លាប់។

ប្រភពបានឲ្យដឹងថា ស្ត្រីរូបនោះមាននាមត្រកូល Wang អាយុ៣៦ឆ្នាំ ជាម្ដាយដែលតែងតែជួយពន្យល់ណែនាំកូនប្រុសក្នុងការធ្វើកិច្ចការសាលាជារៀងរាល់យប់។ នៅក្នុងយប់មួយ អ្នកស្រី Wang មានអារម្មណ៍ពិបាកចិត្តយ៉ាងខ្លាំង ព្រោះកូនប្រុសរបស់គាត់មិនយល់ពីវិធីដោះស្រាយលំហាត់គណិតវិទ្យាដែលគេបានរៀនពីគ្រូនៅសាលារួចហើយនោះទេ។

អ្នកស្រី Wang បាននិយាយថា៖

វេជ្ជបណ្ឌិតបានឲ្យដឹងថា អ្នកស្រី Wang មានជំងឺគាំងបេះដូង ដោយសារតែប្រតិកម្មជាមួយនឹងអារម្មណ៍ខ្លាំងពេក។ ប្រសិនបើអ្នកស្រី Wang មិនព្រមព្យាបាល នោះគាត់នឹងត្រូវស្លាប់ដោយសារគាំងបេះដូងនៅថ្ងៃណាមួយជាមិនខាន។

យ៉ាងណាមិញ អ្នកស្រី Wang កំពុងសម្រាកនៅក្នុងមន្ទីរពេទ្យ ចំណែកវេជ្ជបណ្ឌិតក៏បានដាស់តឿនដល់អ្នកស្រី Wang ឲ្យចេះសម្រួលអារម្មណ៍រាល់ពេលខឹងម្ដងៗ និងប្រញាប់ព្យាបាលជំងឺឲ្យទាន់ពេលផងដែរ៕