ជក់ចិត្ត!! ជើងឯកឆ្នាំចាស់ Liverpool ដណ្ដើមបាន ៣ពិន្ទុឡើងឈរលេខ១ (មានវីដេអូ)

អង់គ្លេស៖ ជើងឯកពានរង្វាន់ UEFA Champions League រដូវកាលមុនក្លិបហង្សក្រហម Liverpool រកបាន ៣ពិន្ទុពីការប្រកួតជុំទីបួន វគ្គសន្សំពិន្ទុក្នុងពូល E ក្រោយយកឈ្នះក្លិបប៊ែលហ្សិក Genk ក្នុងលទ្ធផល ២ទល់នឹង១ នៅកីឡដ្ឋាន Anfield។

ក្រុមរបស់លោក Klopp ជាអ្នករកបានគ្រាប់បាល់មុននៅក្នុងការប្រកួតដោយកីឡាករ Wajnaldum នៅនាទី១៤ ទើបនៅនាទី៤១ Genk បានតាមស្មើវិញពីការធ្វើបានសម្រេចដោយកីឡាករ Mbwana Samata។ ការប្រកួតចប់វគ្គទីមួយក្រុមទាំងពីរស្មើគ្នា ១ទល់នឹង១។

ការប្រកួតចូលដល់វគ្គទីពីរនៅនាទី៥៣ Liverpool បាននាំមុខមុនម្ដងទៀតដោយលទ្ធផល ២ទល់នឹង១ តាមរយៈគ្រាប់បាល់របស់ Alex Oxlade-Chamberlain។ លទ្ធផល ២ទល់នឹង១ បានបន្តរហូតដល់ចប់ការប្រកួត បើទោះបីជាមានការសម្រុកគ្នាបន្តទៀតក្ដី ក៏មិនអាចទម្លុះសំណាញ់ទីគ្នាបានដែរ។

ក្រោយឈ្នះការប្រកួតកាលពីយប់មិញ Liverpool បានហក់ឡើងមកឈរនៅចំណាត់ថ្នាក់លេខ១ ក្នុងពូល E បន្ទាប់ពី Napoli បានត្រឹមចែកគ្នាម្នាក់មួយពិន្ទុជាមួយ Red-Bull Salzburg។

៤ប្រកួតរបស់ Liverpool មាន ៩ពិន្ទុ ឈ្នះ៣ និងចាញ់១ នាំមុខក្រុមលេខ២ Napoli ចំនួន១ពិន្ទុ បន្ទាប់ពី ៤ប្រកួតរបស់ក្លិបអ៊ីតាលី​ Napoli ឈ្នះ២ និងស្មើ២ មិនដែលចាញ់៕

សូមទស្សនាវីដេអូ Highlight នៅខាងក្រោម៖