ភ្នំពេញ៖ ពីមួយថ្ងៃទៅមួយថ្ងៃ តារាប្រុសដ៏មានប្រជាប្រិយភាពលោកខេមរៈ សិរីមន្ត កាន់តែទទួលបាននូវក្តីសុខយ៉ាងខ្លាំងពីគ្រួសារ តែងតែបង្ហាញភាពផ្អែមល្ហែមនឹងគ្នាជានិច្ច គួរឲ្យសរសើរ ខណៈពេលដែលកូនៗកាន់តែធំខ្លាំងឡើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីពេលថ្មីៗនេះ គឺជាថ្ងៃកំណើតរបស់តារាប្រុសរូបនេះ ដែលក្នុងនោះភរិយាជាទីស្រលាញ់របស់លោកពិតជាមិនភ្លេចនោះទេសម្រាប់ថ្ងៃពិសេសរបស់ស្វាមី ដែលបានខំស្កាត់ជួប Surprise ដល់កន្លែងធ្វើការទាំងយប់ ក្រោយចប់កម្មវិធីX Factor កាលពីប៉ុន្មានថ្ងៃមុននេះ។
តាមរយៈរូបភាព និងវីដេអូក្នុងថ្ងៃពិសេសមួយនេះ ឃើញថាតារាប្រុសរូបស្រស់ ពិតជារំភើប និងរីករាយនៅក្នុងចិត្ត ញញឹមបិទមាត់មិនជិត នៅពេលដែលបានភរិយាសុខចិត្តរង់ចាំទាំងយប់ ដើម្បីធ្វើការ Surprise ខួបកំណើតខ្លួនជាមួយនឹងនំខេកពោរពេញដោយក្តីសុខបំផុត។
ជាមួយគ្នានេះដែរ បណ្តាអ្នកគាំទ្រជាច្រើនបាននាំគ្នាសរសើរដល់លោក និងគ្រួសារ ដែលស្រលាញ់ និងយកចិត្តទុកដាក់ដល់គ្នាបែបនេះ ជាពិសេសមិនភ្លេចនូវថ្ងៃដ៏ពិសេសបែបនេះផងដែរ៕
សូមទស្សនាវីដេអូខាងក្រោមនេះ៖