អាល្លឺម៉ង់៖ Borussia Dortmund រកបាន ៣ពិន្ទុពីការប្រកួតជុំទីបួន ពីការប្រកួតសន្សំពិន្ទុក្នុងពូល F ពានរង្វាន់ UEFA Champions League បន្ទាប់ពីវាយបកយកឈ្នះ Inter Milan ដោយលទ្ធផលយ៉ាងអស្ចារ្យ ៣ទល់នឹង២។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតក្នុងវគ្គទីមួយក្រុមភ្ញៀវ Inter Milan ជាអ្នកបើកការនាំមុខមុន ០ទល់នឹង២ តាមរយៈគ្រាប់បាល់របស់ខ្សែប្រយុទ្ធកំពុងឡើងជើង Lautaro Martinez នៅនាទី៥ និងមួយគ្រាប់ទៀតរកបានដោយកីឡាករ Matias Vecino នៅនាទី៤០។
យ៉ាងណាមិញ ឈានដល់វគ្គទីពីរជើងខ្លាំងអាល្លឺម៉ង់បានបើកការសម្រុករហូតយកបានជ័យជម្នះវិញក្នុងលទ្ធផល ៣ទល់នឹង២។ ៣គ្រាប់របស់ Dortmund ធ្វើបានសម្រេចដោយកីឡាករ Achraf Hakimi ម្នាក់ឯង ២គ្រាប់ នៅនាទី ៥១ និង ៧៧ ចំណែកឯមួយគ្រាប់ទៀតរកបានដោយកីឡាករ Julian Brandt។
ងាកមកមើលការប្រកួតមួយគូទៀតក្នុងពូល F ជាមួយគ្នាគឺម្ចាស់ផ្ទះអ្នកមានបុណ្យ Barcelona បានបន្តការមិនទាន់ចាញ់របស់ខ្លួនក្រោយប្រកួតស្មើគ្នាជាមួយ Slavia Prague 0ទល់នឹង0។
ក្រោយរកបាន៣ពិន្ទុ ក្រោមក្រសែភ្នែកអ្នកគាំទ្រក្នុងទឹកដីរបស់ខ្លួនជាង ៦ម៉ឺននាក់ Dortmund បន្តឈរនៅលេខពីរដដែល ដោយ៤ប្រកួតឈ្នះ២ ស្មើ១ និងចាញ់១ មាន៧ពិន្ទុ តាមពីក្រោយ Barcelona ដែលមាន ៨ពិន្ទុ ដោយ៤ប្រកួតឈ្នះ២ ស្មើ២ និងមិនដែលចាញ់៕
សូមទស្សនាវីដេអូ Highlight នៅខាងក្រោម៖