អង់គ្លេស៖ ក្លិប Manchester United ត្រូវបានរាយការណ៍មកថានឹងរក្សាទុកកីឡាករខ្សែការពារជម្រើសជាតិអាហ្សង់ទីន Marcos Rojo ឲ្យបន្តលេងនៅកីឡដ្ឋាន Old Trafford រហូតដល់ចប់រដូវកាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្មានថ្ងៃមុនបិទទីផ្សារដោះដូរកីឡាកររដូវក្ដៅ Rojo ស្ទើរតែផ្លាស់ទៅចូលរួមជាមួយ Everton ទៅហើយប៉ុន្តែមិនអាចឈានដល់ការផ្ទេរផ្លូវការដោយសារបញ្ហាប្រាក់ឈ្នួលពលកម្មរបស់កីឡាករ។
ខ្សែការពារវ័យ ២៩ឆ្នាំ Rojo ចូលលេងក្នុងជម្រើសដំបូងឲ្យបិសាចក្រហមបាន ៦ប្រកួត និងផ្លាស់ប្ដូរចូល ១ប្រកួតនៅក្នុងការប្រកួតទាំងអស់របស់ Manchester United នៅរដូវកាលនេះ ខណៈការប្រកួតដែលស្មើគ្នាជាមួយ Liverpool ១-១ កាលពីខែតុលា គេបង្ហាញខ្លួនលើវាលស្មៅ ៩០នាទីពេញ។
បើតាមប្រភពពីសារព័ត៌មានកីឡាល្បីឈ្មោះរបស់អង់គ្លេសបានឲ្យដឹងថាលោក Ole Gunnar Solskjaer ចង់រក្សាទុកខ្សែការពារ Marcos Rojo រហូតដល់ចប់រដូវកាលនេះ ដោយនឹងច្រានចោលសំណើទាំងអស់ដែលចង់បានកីឡាកររូបនេះ។
គួរឲ្យដឹងផងដែរថា កិច្ចសន្យារវាងក្លិបបិសាចក្រហម Manchester United និងកីឡាករ Marcos Rojo នៅមានសុពភពភាពរយៈពេលពីរឆ្នាំកន្លះទៀត៕
ប្រភព៖ SportsMole