កូរ៉េខាងត្បូង៖ សល់មិនប៉ុន្មានម៉ោងទៀត កំពូលគូស្នេហ៍ល្បីប្រចាំKpop តារាចម្រៀងស្រី HyunA និង Dawn នឹងចេញអាល់ប៊ុលចម្រៀងថ្មីដំណាលគ្នាជាផ្លូវការហើយ ដោយអាល់ប៊ុមចម្រៀងផ្ទាល់ខ្លួនរបស់ HyunA មានឈ្មោះថា «FLOWER SHOWER» និងអាល់ប៊ុមចម្រៀងផ្ទាល់ខ្លួនរបស់ Dawn មានឈ្មោះថា «MONEY»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង ទន្ទឹមនឹងជិតចេញបទចម្រៀងថ្មីនេះផងដែរ HyunA ក៏ចូលរួមផ្តល់កិច្ចសម្ភាសន៍នៅក្នុងកម្សាន្តជជែកកម្សាន្តមួយ ដោយក្នុងនោះ គេក៏បានសួរនាងពាក់ព័ន្ធទៅនឹងដំណើរការនៃការធ្វើអាល់ប៊ុមចម្រៀងថ្មីនេះ និងពិសេសថែមទាំងបានសួរនាងអំពីចំណាប់អារម្មណ៍ផ្ទាល់ខ្លួន ថាតើនាងរវាងអាល់ប៊ុមនាង ជាមួយនឹងសង្សាររបស់នាង តើនាងចង់ឲ្យអាល់ប៊ុមមួយណា ចេញទៅបានល្អនិងល្បីជាង។
ជាក់ស្តែង ក្នុងនោះផងដែរ កំពូលតារាស្រីសម្ដីត្រង់រូបនេះ ក៏បានឆ្លើយភ្លាមៗថា៖
គួររំឮកផងដែរថា ចាប់តាំងពីឆ្នាំ២០១៧ ដែលនាងបានចេញអាល់ប៊ុមចុងក្រោយរបស់នាង «Lip & Hip» មក អាចនិយាយបានថា នេះគឺជាលើកដំបូងហើយ ដែលនាងបានចេញនូវអាល់ប៊ុមថ្មី បន្ទាប់ពីដើរចូលក្នុងផលិតកម្ម P Nation ហើយគ្រប់គ្នាក៏សង្ឃឹមថានាងនឹងអាចធ្វើបានយ៉ាងល្អ ដូចអ្វីដែលនាងបានប្រាថ្នាផងដែរ។
មិនត្រឹមតែប៉ុណ្ណោះ ក្នុងអំឡុងពេលជជែកកម្សាន្តនេះផងដែរ HyunA ក៏ថែមទាំងបានទម្លាយប្រាប់ពីប្រវត្តិស្នេហារវាងនាង និង Dawn ទៅកាន់ទស្សនិកជនផងដែរ ដោយនាងបានសារភាពតាមត្រង់ថា នាងគឺជាអ្នកដែលសារភាពអារម្មណ៍របស់ខ្លួន ទៅកាន់Dawn មុនថែមទៀតផង៕