បរទេស៖ ក្នុងពេលថ្មីៗនេះ ពាក្យចចាមអារ៉ាមដែលថា Jacqueline Wong កំពុងតែពរពោះ ជិតសម្រាលនេះ ហាក់កំពុងតែ វាយលុកយ៉ាងខ្លាំង ក្នុងបណ្តាញផ្សព្វផ្សាយសង្គម របស់ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ពាក្យចចាមអារ៉ាមនេះ បានបន្តមកតាំងតែពីខែមីនា នៅពេលដែលនាងត្រូវបានអតីតមិត្តប្រុស បញ្ជូនទៅកាន់មន្ទីរពេទ្យភ្លាមៗ ក្នុងអំឡុងពេលដែលកំពុងតែថតរឿងភាគ “The Maid Alliance”។ ក៏ប៉ុន្តែឆ្លើយតបនឹងពាក្យចចាមអារ៉ាមទាំងនោះ Jacqueline Wong ក៏បានចេញមុខឆ្លើយតបវិញផងដែរថា ពេលនោះមិនមានអ្វីធំដុំនោះទេ គឺគ្រាន់តែនាងគ្រុនផ្តាសាយធំ ហើយអតីតមិត្តប្រុសរបស់នាង ដែលគ្រប់គ្នាស្គាល់ថាជា តារាសម្តែងប្រុសដ៏ល្បីគឺលោកKenneth Ma បាននាំនាងទៅជួបវេជ្ជបណ្ឌិតតែប៉ុណ្ណោះ។
គួរបញ្ជាក់ផងដែរថា បន្ទាប់ពីបែកធ្លាយរឿងអាស្រូវថើបគ្នា ក្នុងឡានជាមួយតារាប្រុសម្នាក់ ដែលមានប្រពន្ធរួចហើយនោះ។ Jacqueline Wong ក៏បានបែកគ្នាជាមួយKenneth Ma តាំងពីខែមេសាមកម្ល៉េះ។ ហើយក្នុងពេលនេះJacqueline Wong ក៏បានគេចខ្លួនពីពាក្យចចាមអារ៉ាមផ្សេងៗ ដោយនាងបានទៅរស់នៅទីក្រុងLos Angeles ដោយបានអះអាងថានាងចង់បន្តការសិក្សា លើផ្នែកសម្តែងបន្ថែមទៀត។
ក៏ប៉ុន្តែមានមតិមួយចំនួនបានលើកឡើងថា នេះគ្រាន់តែជាលេសរបស់នាងតែប៉ុណ្ណោះ ការពិតនាងកំពុងតែត្រៀមរៀបចំ សម្រាលកូននៅទីនោះទៅវិញទេ៕
Bong I.T