រាជធានីភ្នំពេញ ៖ កូនប្រសាស្រីវ័យក្មេងមានសម្រស់ផូរផង់ម្នាក់ ទើបរៀបការថ្មីថ្មោង ស្រាប់តែបាត់ខ្លួន ហើយត្រូវបុរសជាឪពុកក្មេក ព្រមទាំងក្រុមគ្រួសារកាន់រូបថតតាមរកគ្រប់ច្រកល្ហក និងទៅប្តឹងនគរបាលប៉ុស្តិ៍ទួលសង្កែទី១ កាលពីព្រឹកថ្ងៃទី២ វិច្ឆិកា ដើម្បីឱ្យជួយរកបន្ទាប់ពីបាត់ខ្លួនមួយយប់ មិនដឹងទៅទីណា ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការស្វែងរកកូនប្រសាស្រីរហូតដល់ទួលសង្កែនេះ បន្ទាប់ពីគាត់បានរកគ្រូទាយថា កូនស្រីនៅម្តុំខាងជើងរង្វង់មូលគួចកាណុង ។ ទន្ទឹមការស្វែងរកនោះកូនប្រុស ដែលជាប្តីរបស់នាង នៅធ្វើការនៅខេត្តព្រះសីហនុ ក៏បានធ្វើដំណើរមកទាំងអន្ទះសារ ដើម្បីតាមរកប្រពន្ធជាទីស្រឡាញ់ដែលមិនដឹងបាត់ទៅទីណា ។
កូនប្រសាដែលបាត់ខ្លួនឈ្មោះ ថន ដាវី អាយុ២០ឆ្នាំ ជាកម្មការីនីកាត់ដេរស្នាក់នៅបន្ទប់ជួលក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ។ ចំណែកប្តីឈ្មោះ ឈាត ឆើត អាយុ២០ឆ្នាំ ជាជាងអគ្គិសនីបម្រើការនៅខេត្តព្រះសីហនុ ។ អ្នកទាំងពីរជាប្តីប្រពន្ធមានស្រុកកំណើរនៅភូមិធ្លក ឃុំស្ពឺ ស្រុកបាភ្នំខេត្តព្រៃវែង ។
តាមបុរសជាឪពុកក្មេកឈ្មោះ ឈួន ឈាត អាយុ៤០ឆ្នាំ ជាកសិករ បានឱ្យដឹងថា កូនប្រសាស្រីរបស់គាត់បានបាត់ខ្លួន កាលពីវេលាម៉ោងប្រមាណ៩ព្រឹកថ្ងៃទី១ វិច្ឆិកា មិនដឹងទៅទីណា ។ តាមឪពុករូបនោះបានឱ្យដឹងទៀតថា កូនប្រសារបស់គាត់បានស្នាក់នៅផ្ទះជួល ជាមួយបងស្រីជីដូនមួយ ហើយបម្រើការជាកម្មការីនីរោងចក្រ ។ នៅព្រឹកនោះបងស្រីក៏បានទៅធ្វើការបាត់ ហើយកូនប្រសារបស់គាត់មិនដឹងទៅណា ដោយ បាត់មិនឃើញទៅធ្វើការ មិត្តភក្តិកូនប្រុសរបស់គាត់ក៏បានទៅទូរស័ព្ទទៅកូនប្រុសរបស់គាត់ ដែលកំពុងតែធ្វើការនៅខេត្តព្រះសីហនុក៏បង្កឱ្យមានការភ្ញាក់ផ្អើលឡើង ។
ឪពុកក្មេកបានឱ្យដឹងទៀតថា នៅព្រឹកថ្ងៃទី២ វិច្ឆិកា គាត់និងបងប្រុសកូនប្រសាស្រីក៏បានទៅរកគ្រូទាយ ព្រោះគាត់មានការព្រួយបារម្ភថា ខ្លាចត្រូវគេដាក់ថ្នាំយករបស់របរ ហើយត្រូវគ្រូទាយថា កូននៅម្តុំរង្វង់មូលខាងជើងស្ពានជ្រោយចង្វា ក៏បាននាំគ្នាកាន់រូបថតតាមរកនិងទៅប្តឹងនគរបាលឱ្យជួយរក ។ តាមឪពុករូបនោះបាន្យដឹងទៀត កន្លងមក កូនប្រសាស្រីនិងកូនរបស់គាត់មិនដែលមានទំនាស់គ្នានោះទេ ស្រាប់តែនៅសុខៗកូនស្រីបាត់ខ្លួនបែបនេះ ។
បុរសឈ្មោះ ឈាត ឆើត អាយុ២០ឆ្នាំ បានឱ្យដឹងតាមទូរស័ព្ទ ដោយអស់សង្ឃឹមថា «មិនដឹងប្រពន្ធជាទីស្រឡាញ់បាត់ខ្លួន ទៅណានោះទេ ។ បុរសរូបនោះបានឱ្យដឹងថា រយះពេលប្រមាណ១ខែមកហើយ ដែលខ្លួនបានបែកពីប្រពន្ធទៅធ្វើការនៅកំពង់សោម ។ ក្នុងរយៈពេលនេះ ប្រពន្ធបានទូរស័ព្ទទំនាក់ទំនងគ្នារហូត មិនដែលមានទំនាស់គ្នានោះទេ ។
បុរសជាប្តីបានឱ្យដឹងទៀតថា នៅក្នុងឱកាសបុណ្យអុំទូក អកសំបុក សំពះព្រះខែ និងបណ្តែតប្រទីបខាងមុខ នឹងវិលមកភ្នំពេញនាំប្រពន្ធជាទីស្រឡាញ់ដើរលេង តែពេលនេះមិនដឹងថាអូនបាត់ទៅទីណាឡើយ ។ តាមព័ត៌មានឱ្យដឹងទៀតថា ប្តីប្រពន្ធ២នាក់បានរៀបការនៅថ្ងៃទី៨ ខែមិថុនា ឆ្នាំ២០១៩ ហើយមករស់នៅបន្ទប់ផ្ទះជួលនៅភ្នំពេញ ។ ចំណែកប្តីក៏បានឃ្លាតកាយទៅធ្វើការនៅខេត្តព្រះសីហនុ បានប្រមាណ១ខែ ស្រាប់តែប្រពន្ធបាត់ខ្លួន ។
ទោះបីជាយ៉ាងណា គេពុំដឹងថា ការបាត់ខ្លួននាង មានគ្រោះថ្នាក់ប្រការណាមួយឬក៏នាងបានចុះចោលផ្ទះរត់តាមប្រុសថ្មីឬយ៉ាងណានោះទេ ? នៅព្រឹកថ្ងៃទី៣ វិច្ឆិកានេះ ឪពុកក៏ដូចក្រុមគ្រូសារក៏បានធ្វើដំណើរទៅស្រុកកំណើរ ហើយទន្ទឹងតែផ្លូវកូនស្រីជាស្រឡាញ់ ៕
ប្រភព៖ កោះសន្តិភាព
Bong I.T