កំពង់ស្ពឺ៖ ការប្រកួតប្រដាល់គុនខ្មែរ ក្នុងកម្មវិធី Khmer Fight នៅទឹកដីក្រុងច្បារមន ខេត្តកំពង់ស្ពឺម្សិលមិញ ម្ចាស់មេដាយប្រាក់ស៊ីហ្គេមឆ្នាំ២០១៧ កីឡាករ ម៉ឺន សុភា បានប្រកួតឈ្នះកីឡាករឆ្លងដែនមកពីអាស៊ីខាងលិច ប្រទេសអ៊ីរ៉ង់ អាប់ឌុលឡាស់ ដោយផ្ដួលឲ្យសន្លប់ធំនៅក្នុងទឹកទី២។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរវាងកីឡាករទាំងពីធ្វើឡើងក្នុងប្រភេទទម្ងន់ ៧០គីឡូក្រាម។ គោះជួងចូលទឹកទី១ភ្លាម កីឡាករទាំងពីរមិនបានស្ទាបស្ទង់គ្នានោះទេ ដោយបានសម្រុកគ្នាទៅវិញទៅមកតាមរយៈការទាត់ និងចេញដៃធ្ងន់ៗដាក់គ្នា ហើយនៅចុងទឹកទី១ សិស្សគុនមកពីក្លិបក្រសួងការពារជាតិ បានវាយកីឡាករអ៊ីរ៉ង់ឲ្យលោកអាជ្ញាកណ្ដាល ម៉ី រតនៈ រាប់ម្ដងមុននឹងចូលទឹកទី២។
ឈានដល់ទឹកទី២ ទាំងកម្ពុជា និងអ៊ីរ៉ង់នៅតែបន្តសម្រុកគ្នា ប៉ុន្តែយ៉ាងណាកណ្ដាប់ដៃរបស់ ម៉ឺន សុភា ហាក់ធ្ងន់ជាង ដោយបានវាយឲ្យអ៊ីរ៉ង់រាប់ម្ដងទៀតនៅក្នុងទឹកទី២ មុននឹងវាយមួយដៃពេញចូលភ័ត្រ្តាធ្វើឲ្យលោកអាជ្ញាកណ្ដាលបញ្ឈប់ការប្រកួតភ្លាមៗតែម្ដង៕
ចង់ឃើញថា កណ្ដាប់ដៃរបស់ ម៉ឺន សុភា ធ្ងន់យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖