ម៉ារីម៉ា និងគ្រួសារធ្វើខ្លួនយ៉ាងសាមញ្ញ ដើរលេងពរកូននៅក្រៅ ហ្វេនសុំថតព្រាត!

ហ្វីលីពីន៖ ទោះបីជាបច្ចុប្បន្ននេះ តារាស្រីបរទេស ម៉ារីម៉ា និងស្វាមីជាទីស្រលាញ់មិនសូវមានរឿងភាគចេញសម្តែងដូចមុនយ៉ាងណាក្តី ក៏ប៉ុន្តែឃើញថាតារាទាំងមួយគូនេះ ទទួលបានការចាប់អារម្មណ៍ខ្លាំងពីមួយថ្ងៃទៅមួយថ្ងៃ ជាមួយនឹងសុភមង្គលគ្រួសារយ៉ាងគួរឲ្យសរសើរ។

យ៉ាងណាមិញ ទោះបីជាបច្ចុប្បន្នតារាទាំង២នេះ មានប្រជាប្រិយភាព និងមានហ្វេនច្រើនមកពីបណ្តាប្រទេសនានាយ៉ាងណាក្តី គ្រួសារតារាមួយនេះហាក់ដូចជាប្រើប្រាស់ជីវិតរបស់ខ្លួនយ៉ាងសាមញ្ញាបំផុត គួរឲ្យសរសើរតែម្តង។

ជាក់ស្តែងកាលពីពេលថ្មីៗនេះ តារាស្រីរូបនេះ បាននាំស្វាមីនិងកូនសំណព្វចិត្ត ដើរលេងកម្សាន្តស្របពេលនឹងការងារមនុស្សធម៌របស់ខ្លួនយ៉ាងពោរពេញដោយភាពរីករាយ។ ក៏ប៉ុន្តែអ្វីដែលកាន់តែគួរឲ្យសរសើរខ្លាំងនោះគឺ អ្នកទាំងពីរបានប្រើជីវិតសាមញ្ញ ដើរលេងថតរូបជុំគ្រួសារ យ៉ាងពោរពេញដោយសុភមង្គលខ្លាំងតែម្តង។

ទន្ទឹមនឹងសកម្មភាពទាំងនេះ អ្នកគាំទ្រជាច្រើនពិតជាពេញចិត្ត និងសរសើរដល់គ្រួសារតារារូបនេះ ដែលទោះបីជាមានកេរ្តិ៍ឈ្មោះល្បីបែបណា ពួកគេធ្វើខ្លួនធម្មតា សាមញ្ញបំផុត ជាពិសេសមិនសូវបង្អួតពីសំភារៈនិយមប៉ុន្មាននោះទេ ក៏ប៉ុន្តែអ្វីដែលពួកគេមាននៅពេលនេះ គឺក្តីសុខ៕

សូមទស្សានារូបភាពខាងក្រោមនេះ៖