ក្ដៅៗ!! Bayern Munich សម្រេចបណ្ដេញគ្រូបង្វឹកចេញជាផ្លូវការហើយ

អាល្លឺម៉ង់៖ ក្លិប Bayern Munich បានឈានដល់ការចែកផ្លូវគ្នាជាមួយគ្រូបង្វឹកលោក Niko Kovac កាលពីថ្ងៃល្ងាចអាទិត្យម្សិលមិញ បន្ទាប់ពីលទ្ធផលមិនសូវជាទទួលបានភាពវិជ្ជមាន។

ជើងឯក Bundesliga រដូវកាលមុនបានរងបរាជ័យយ៉ាងធ្ងន់ធ្ងរដោយចាញ់ Eintracht Frankfurt ក្នុងលទ្ធផល ៥ទល់នឹង១ កាលពីថ្ងៃសៅរ៍ ដែលនោះជាការប្រកួតចុងក្រោយរបស់លោក Kovac មុនពេល Bayern Munich បណ្ដេញចេញពីដំណែង។

ជាមួយគ្នានេះក្លិប Bayern Munich បានប្រកាសថាលោក Hansi Flick ដែលជាគ្រូជំនួយ នឹងត្រូវដឹកនាំបណ្ដោះអាសន្នសម្រាប់ការប្រកួត ២ខាងមុខដែលនឹងត្រូវជួប Olympiacos ក្នុងពានរង្វាន់ Champions League នាថ្ងៃពុធ មុននឹងបន្តមកប៉ះជាមួយជើងខ្លាំង Dortmund នៅចុងសប្ដាហ៍ក្នុងក្របខណ្ឌ Bundesliga។

លោក Niko Kovac បានជួយឲ្យ Bayern Munich ឈ្នះពាន Bundesliga លើកទី២៦ក្នុងប្រវត្តិសាស្រ្តរបស់ក្លិបកាលពីរដូវកាលមុន ដោយដាច់ពិន្ទុពីក្រុមជើងឯករង Dortmund ដល់ទៅ ៩ពិន្ទុ។

យ៉ាងណាមិញ នៅក្នុងរដូវកាលថ្មីនេះក្រោយ ៤ប្រកួតចុងក្រោយឈ្នះបានត្រឹម១ប្រកួត និងចាញ់ដល់ទៅ២ប្រកួតជាមួយ Hoffenheim និង Frankcurt បានធ្វើឲ្យលោក Kovac ត្រូវខ្ទាតចេញពីដំណែង៕

ប្រភព៖ Marca