កូរ៉េខាងត្បូង៖ ជាភាពជោគជ័យមួយសម្រាប់ក្រុមនារីកូរ៉េ BLACKPINK ដែលបទចម្រៀងរបស់គេនេះ សុទ្ធសឹងតែទទួលការគាំទ្រពីសំណាក់អ្នកគាំទ្រទូទាំងពិភពលោក ដោយបទចម្រៀងរបស់ពួកគេនីមួយៗ មានអ្នកចូលមើលមិនក្រោម ១០០ លានដងលើបណ្តាញសង្គមយូធូបនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅពេលនេះក្រុមចម្រៀង BLACKPINK កំពុងតែត្រៀមខ្លួនទទួលបានភាពជោគជ័យថ្មីទៀត ដែលអាចនិយាយបានថាជាភាពជោគជ័យដ៏ធំបំផុត ក្នុងប្រវត្តិសាស្រ្ត Kpop សម្រាប់ក្រុមនារី ជាមួយបទចម្រៀងមានចំណងជើងថា “Ddu Du Ddu Du”។
យ៉ាងណាមិញ នៅពេលនេះ បទ “Ddu Du Ddu Du” មានអ្នកចូលទស្សនាក្នុងបណ្តាញសង្គមយូធូបចំនួន ៩៩០ លានដងហើយ ដូច្នេះហើយសល់តែ ៨ លានដងទៀតតែប៉ុណ្ណោះ ក្រុម BLACKPINK នឹងដណ្តើមតំណែងឈ្មោះជាក្រុមនារីដំបូងក្នុងប្រវត្តិសាស្រ្ត Kpop និងជាក្រុមនារីទី៣ ក្នុងពិភពលោកដែលទទួលបានការចូលមើលលើបទចម្រៀង MV មានចំនួន ១០០០លានដង។
ទោះជាយ៉ាងណាក្តី មិនយូរប៉ុន្មាននោះទេ បទចម្រៀង “Ddu Du Ddu Du” នឹងទទួលបានចំនួនអ្នកចូលមើល ១០០០ លានដង ដូច្នេះហើយអ្នកគាំទ្រជាច្រើនបានបង្ហាញអារម្មណ៍រំភើបចំពោះភាពជោគជ័យនេះ ហើយពួកគេក៏កំពុងទន្ទឹងរង់ចាំយ៉ាងអន្ទះសារក្នុងការរាប់ថយក្រោយសម្រាប់បទចម្រៀងដ៏ល្បីល្បាញនេះ ទទួលបានអ្នកចូលមើល ១០០០លានដងផងដែរ៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖