អង់គ្លេស៖ បើតាមសេចក្ដីរាយការណ៍បានឲ្យដឹងថាក្លិបបិសាចក្រហម Manchester United បានរៀបចំក្នុងការដាក់សំណើសុំទិញខ្សែប្រយុទ្ធរបស់ RB Leipzig កីឡាករ Timo Werner នៅទីផ្សារដោះដូរកីឡាករខែមករាខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធវ័យ ២៣ឆ្នាំ Werner ត្រូវបានមានព័ត៌មានថាអាចនឹងទៅចូលរួមជាមួយ Bayern Munich កាលពីទីផ្សាររដូវក្ដៅមុនពេលដែលគេបន្តកុងត្រាថ្មីជាមួយ RB Leipzig។ យ៉ាងណា អនាគតរបស់ខ្សែប្រយុទ្ធជម្រើសជាតិអាល្លឺម៉ង់កំពុងតែស្ថិតនៅក្នុងភាពស្រពិចស្រពិល បន្ទាប់ពីក្លិបធំជាច្រើនចាប់អារម្មណ៍ចង់បានរូបគេ។
ជាក់ស្ដែងបើតាមសារព័ត៌មានល្បីឈ្មោះមួយក្នុងប្រទេសអង់គ្លេសបានឲ្យដឹងថា Manchester United បានដាក់គោលដៅនាំយកខ្សែប្រយុទ្ធរូបនេះនៅទីផ្សារខែមករា។ រីឯចំពោះតម្លៃខ្លួននៃការផ្ទេរវិញត្រូវបានគេដឹងថាប្រមាណជា ២៧លានផោន។
ប្រភពដដែលបានបន្តឲ្យដឹងទៀតថាលោក Ole Gunnar Solskjaer បានត្រៀមខ្លួនដើម្បីយកឈ្នះ Liverpool ក្នុងការចុះហត្ថលេខានាំយក Werner ព្រោះបើតាមប្រភពព័ត៌មានអ្នកចាត់ការទូទៅហង្សក្រហម Liverpool លោក Jurgen Klopp ក៏ចង់បានខ្សែប្រយុទ្ធរូបនេះដូចគ្នា។
ក្នុងចំណោមការបង្ហាញខ្លួន ១៥ប្រកួតក្នុងរដូវកាលថ្មីឲ្យ RB Leipzig ខ្សែប្រយុទ្ធ Timo Werner រកបាន ១៣គ្រាប ហើយកាលពីម្សិលមិញគេក៏ទើបតែធ្វើបាន Hat-Trick ក្នុងការប្រកួតដែល RB Leipzig យកឈ្នះ Mainz 05 ក្នុងលទ្ធផល ៨ទល់នឹង០៕
ប្រភព៖ SportsMole