ចិន៖ បុរសវ័យ៣០ឆ្នាំម្នាក់ នៅឯប្រទេសចិន ធ្វើឲ្យភ្ញៀវក្នុងពិធីមង្គលការអស់សំណើចយ៉ាងខ្លាំង ព្រោះតែគាត់រំភើបចិត្តរហូតដល់ស្រក់ទឹកភ្នែកដែលបានរៀបការ ក្រោយពីធ្វើជាអ្នកកំដរឲ្យគេចំនួន៧ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់គាត់លាយលំជាមួយនឹងទឹកភ្នែកនៅក្នុងវីដេអូបាននិយាយថា៖
«ខ្ញុំមិនអាចទប់ទឹកភ្នែកបានទៀតទេ។ វាពិតជាពិបាកណាស់សម្រាប់ខ្ញុំ ក្នុងការរៀបការ។ ខ្ញុំបានធ្វើជាអ្នកកំដរឲ្យមិត្តភក្ដិចំនួន៧ដងមកហើយ។ នៅពេលដែលមិត្តភក្ដិរបស់ខ្ញុំរៀបការម្ដងៗ ខ្ញុំតែងតែរញ៉េរញ៉ៃជាមួយនឹងពួកគេ។ ឥឡូវនេះខ្ញុំបានរៀបការហើយ ចំណែកពួកគេក៏រញ៉េរញ៉ៃជាមួយខ្ញុំវិញដែរ។ ប៉ុន្ដែមិនអីទេ ខ្ញុំសប្បាយចិត្ត និងរីករាយជានិច្ច។»
ប្រភពបានឲ្យដឹងដែរថា បុរសនោះស្រលាញ់ប្រពន្ធរបស់គាត់យ៉ាងខ្លាំងព្រោះតែនាងតែងតែយកចិត្តទុកដាក់ជាមួយនឹងគាត់។ រាល់ពេលដែលគាត់ធ្វើការថែមម៉ោងដល់យប់ម្ដងៗ ម្ដាយក្មេករបស់គាត់នៅរងចាំចម្អិនមី និងផ្ញើឲ្យគាត់មកដល់ផ្ទះនៅវេលាម៉ោង១១យប់ទៀតផង។
យ៉ាងណាមិញ វីដេអូនៃការស្រែកយំដែលចេញពីការសប្បាយចិត្តរបស់គាត់ ត្រូវបានយកទៅបង្ហោះចែកចាយនៅលើបណ្ដាញសង្គម Weibo និងទទួលបានការចាប់អារម្មណ៍យ៉ាងខ្លាំងពីសំណាក់មហាជន៕
តើប្រិយមិត្តអ្នកអានយល់ឃើញយ៉ាងណាដែរ?
សូមទស្សនារូបភាពនិងវីដេអូខាងក្រោម៖
Bong I.T