ចូល​សម្ងំ​ក្នុង​បន្ទប់​…​អស់លក្ខណ៍​ត្រឹម​មីង​នាង​មក​ទាន់​ចាក់សោ​ពី​ក្រៅ (មានវីដេអូ)

//s6.kh1.co/b6/b66bb1534fe5a6e307915c68a60bd2c55a0eb71c.jpg
សង្គម

 ០៣-វិច្ឆិកា-២០១៩ ១០ព្រឹក · ៤ ឆ្នាំមុន

រាជធានី​ភ្នំពេញ​៖ ជនសង្ស័យ​ម្នាក់​បាន​ធ្វើ​សកម្មភាព​ឆ្កឹះ​សោ​បន្ទប់​ជួល​របស់​កម្មការិនី​រោងចក្រ រួច​ចូល​ទៅ​​សម្ងំ​ក្នុង​បំណង​លួច​ទ្រព្យសម្បត្តិ តែ​ត្រូវ​បាន​មីង​របស់​ម្ចាស់​បន្ទប់​មក​ទាន់​ក៏​ចាក់សោ​ពី​ខាងក្រៅ រួច​រាយការណ៍​ប្រាប់​សមត្ថកិច្ច​ឱ្យ​ចុះ​មក​ចាប់ខ្លួន​បាន​តែ​ម្តង​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍​ខាងលើ​នេះ​បាន​កើតឡើង​កាលពី​វេលា​ម៉ោង​១០​និង​៤០​នាទី​ព្រឹក​ថ្ងៃ​ទី​២ ខែវិច្ឆិកា ឆ្នាំ​២០១៩ នៅ​បន្ទប់​ជួល​មួយ​កន្លែង​ស្ថិត​ក្នុងភូមិ​ព្រៃ​ទា សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ​។

ជនសង្ស័យ​ឈ្មោះ​ចំរើន បញ្ញា ភេទ​ប្រុស អាយុ​២៧​ឆ្នាំ មុខរបរ​និង​ទីកន្លែង​ស្នាក់​នៅ​មិន​ពិតប្រាកដ ។

តាម​ប្រភព​ព័ត៌មាន​ពី​កន្លែង​កើតហេតុ​បាន​ឲ្យ​ដឹង​ថា មុន​ពេល​កើតហេតុ ម្ចាស់​បន្ទប់​បាន​ចាក់សោ​ត្រឹមត្រូវ ហើយ​ចេញ​ទៅ​ធ្វើ​ការងារ​បាត់​អស់ លុះ​មក​ដល់​វេលា​កើតហេតុ ស្រាប់តែ​មាន​ជនសង្ស័យ​ម្នាក់​បាន​ធ្វើ​សកម្ម​ភាព​ឆ្កឹះ​សោ​បន្ទប់​រួច​ចូល​សម្ងំ​ ក្នុង​គោល​បំណង​លួច​ទ្រព្យសម្បត្តិ តែ​ត្រូវ​បាន​មីង​របស់​ម្ចាស់​បន្ទប់​មក​ទាន់ ក៏​ចាក់សោ​ពី​ខាងក្រៅ រួច​រាយការណ៍​ទៅ​សមត្ថកិច្ច​ឱ្យ​ចុះ​មក​ឃាត់​បាន​ភ្លាម​ៗ​តែ​ម្តង​។

បច្ចុប្បន្ន ជនសង្ស័យ​ត្រូវ​បាន​សមត្ថកិច្ច​កសាង​សំណុំរឿង​បញ្ជូន​ទៅ​ផ្នែក​ព្រហ្មទណ្ឌ​នៃ​អធិការ​នគរបាល​ខណ្ឌ​ពោធិ៍​សែន​ជ័យ​ដើម្បី​ចាត់ការ​តាម​ច្បាប់​៕ (​កែសម្រួល​ដោយ ៖ ធីតា​)

https://s5.kh1.co/__image/w=650,h=379,q=100/aa/aa1c33ee9f5ba83eb143367050529a2787df488c.jpg
https://s6.kh1.co/__image/w=650,h=379,q=100/b4/b44af4bab69c040e42bec6cc0ef0407e937ced7f.jpg

ប្រភពកោះសន្តិភាព

Tith Chanrangsey
ទិត ច័ន្ទរង្សី

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T