ខេត្តមណ្ឌលគិរី ៖ ម៉ូតូចំនួន២គ្រឿងបានឆេះហ្មត់នៅលើរថយន្ត ក្រោយផ្ទុះកំប៉ុងហ្គាសដែលដាល់ម៉ូតូនោះ ខណៈជនជាតិចិនមួយក្រុមកំពុងធ្វើដំណើរ តាមបណ្តោយផ្លូវជាតិលេខ៧៦ កាលពីវេលាម៉ោង២០និង៣០នាទីយប់ថ្ងៃទី០១ វិច្ឆិកា ស្ថិតនៅចំណុចគីឡូម៉ែត្រលេខ៦៥ផ្លូវ76A ក្នុងភូមិអូរអាម ឃំុស្រែខ្ទុម ស្រុកកែវសីមា ខេត្តមណ្ឌលគិរី ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ករណីឆេះម៉ូតូនៅលើរថយន្តម៉ាក Tundra ពាក់ស្លាក លេខTexas KBV 9707 ពណ៌ត្រេអុី ដែលអ្នកបើកឈ្មោះ ហ៊ុង ខាយ ភេទប្រុស អាយុ២០ ឆ្នាំ ជនជាតិចិន។
ភ្លាមៗ កម្លាំងនគរបាលអគ្គិភ័យស្រុកកែវសីមា និងកម្លាំងប៉ុស្តិ៍ស្រែខ្ទុម សហការជាមួយក្រុមគណៈបញ្ជា ការឯកភាពស្រុកកែវសីមា បានពន្លត់ទាន់ពេល ។ ដោយឡែក ម្ចាស់រថយន្ត និងអ្នករួមដំណើរចំនួន៤នាក់ (ស្រី១) ជាជនជាតិចិនទាំងអស់ ពុំមានរងរបួសនោះឡើយ។
ករណីនេះ មានមតិជាច្រើនបានលើកឡើងជាចម្ងល់ថា ហេតុអីបានជាជនជាតិចិនអាចមានសិទ្ធិបើកបររថយន្តលើដងផ្លូវស្រុកខ្មែរ? ហើយថែមទាំងពាក់ស្លាកលេខបរទេសទៀត? តើសមត្ថកិច្ចជំនាញបានដឹងរឿងនេះដែរឬទេ?
ប្រភព៖ កោះសន្តិភាព
Bong I.T