ចង់លើសជាតិស្ករ! សួស វីហ្សា និងអនាគតស្វាមី ប្រារព្ធពិធីលាភាពនៅលីវ យ៉ាងរ៉ូមែនទិក!

ភ្នំពេញ៖ ដូចដែលប្រិយមិត្ត បានជ្រាបរួចមកហើយ ពីជីវិតឯកជនរបស់តារាសម្ដែង ថមមី និង តារាចម្រៀងស្រី សួស វីហ្សា ដែលកំពុងទទួលបានភាពជោគជ័យយ៉ាងខ្លាំង មិនថាការងារសិល្បៈ ឬអាជីវកម្មផ្ទាល់ខ្លួននោះទេ។

លើសពីនេះ ខណៈពេលដែលពិធីមង្គលការ​ កាន់តែកៀកចូលមកដល់ សួស វីហ្សា និងអនាគតស្វាមី កាន់តែសាងភាពផ្អែមល្ហែម ធ្វើឲ្យអ្នកគាំទ្រទាំងអស់ឃើញហើយ ច្រណែននិងប្រាថ្នាចង់បានជីវិតគូស្នេហ៍ ដូចពួកគេថែមទៀតផង។

ជាក់ស្ដែង កាលពីយប់មិញ អនាគតគូស្វាមីភរិយា ជាតារាមួយគូនេះ បានដឹកដៃគ្នា ប្រារព្ធពិធីលាភាពនៅលីវ នៅលើ Skybar មួយកន្លែង ប្រកបដោយភាពរ៉ូមែនទិក ក្នុងឈុតសម្លៀកបំពាក់ពណ៌ស អមដោយភ្ញៀវកិត្តិយសជាច្រើននាក់ផងដែរ។

គួរបញ្ជាក់ថា សួស វីហ្សា និង ថមមី គ្រោងនឹងចូលរោងជ័យ នៅថ្ងៃទី២៩ ខែវិច្ចិកា ឆាប់ៗខាងមុខនេះហើយ។ ដូច្នេះ​ចាំតាមដានមើលទាំងអស់គ្នាថា ពិធីទាំងមូលនឹងមានភាពអស្ចារ្យ​ និងអធិកអធមកម្រិតណា៕