កូរ៉េខាងត្បូង៖ ថ្មីៗនេះរូបថតប៉ុន្មានសន្លឹករបស់លោក Lee Minho បាននឹងកំពុងចែកចាយយ៉ាងច្រើននៅលើបណ្តាញសង្គម ទាក់ទងនឹងការថតរឿងថ្មីរបស់កម្លោះសង្ហារូបនេះ ដែលត្រៀមនឹងចាក់បញ្ចាំងក្នុងពេលឆាប់ៗខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ តាមប្រភពមួយចំនួន បានឲ្យដឹងថាលោក Lee Minho កំពុងតែថតរឿងថ្មីមានចំណងជើងថា “The King: Eternal Monarch” ដែលរូបលោកសម្តែងជាតួអង្គស្តេចផងដែរ។
ម៉្យាងវិញទៀត អ្វីដែលពិសេសជាងនេះទៅទៀតនោះ សម្រាប់រូបថតសកម្មភាពថតរឿងនេះដែរ លោក Lee minho កំពុងតែធ្វើអ្នកគាំទ្រឈ្លក់វង្វេងនឹងសម្រស់របស់លោក ព្រោះថារូបរាងរបស់លោក ជាមួយសម្លៀកបំពាក់ស្តេចបែបនេះ ពិតជាសង្ហានិងសាកសមខ្លាំងមែនទែន។
គួររម្លឹកផងដែរថា លោក Lee Minho មិនទាន់បានបង្ហាញមុខក្នុងរឿងភាគ ឬតាមកញ្ចក់ទូរទស្សន៍ណាមួយនោះទេ ក្រោយពីលោកបញ្ចប់ការហ្វឹកហាត់ទាហានអស់រយៈពេលជាង២ឆ្នាំ ដូច្នេះហើយទើបធ្វើឲ្យអ្នកគាំទ្រនឹកការសម្តែង និងចង់ឃើញការសម្តែងរឿងថ្មីរបស់លោក ហើយថែមទាំងតាមដានរាល់សកម្មភាពរបស់តារារូបនេះ ស្ទើរតែគ្រប់ជំហានតែម្តង៕
តើប្រិយមិត្តយល់យ៉ាងណាដែរ?