កូឡុំប៊ី៖ នារីវ័យ១៧ឆ្នាំម្នាក់ រស់នៅឯទីប្រជុំជន Acacías នៃប្រទេសកូឡុំប៊ី តែងតែដេកលុងលក់អស់រយៈពេលជាច្រើនថ្ងៃ ដោយមិនក្រោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា នារីរូបនោះមានឈ្មោះថា Sharik Tovar ទទូលរងនូវជំងឺ Kleine-Levin ចាប់តាំងពីនាងមានអាយុ២ឆ្នាំមកម៉្លេះ។ សម្រាប់ជំងឺដ៏កម្រនេះ គឺកើតមានឡើងចំពោះមនុស្ស៤០នាក់ប៉ុណ្ណោះនៅលើពិភពលោក ដែលធ្វើឲ្យដេកច្រើនលើសលុបជាងមនុស្សធម្មតា ការចងចាំចុះអន់ខ្សោយ និងផ្លាស់ប្ដូរអត្តចរិតទៀតផង។
ប្រភពបានបន្ដថា នៅក្នុងខែមិថុនា ឆ្នាំ២០១៨កន្លងទៅនេះ នាង Sharik Tovar បានដេកលុងលក់អស់រយៈពេលជិត២ខែ ដែលម្ដាយរបស់នាងត្រូវមើលថែ និងចំណាយពេល២ម៉ោងក្នុងការបញ្ចុកអាហារកិនជារៀងរាល់ពេល។
អ្នកស្រី Marleny Tovar បាននិយាយថា៖
ប្រភពបានឲ្យដឹងទៀតថា ក្នុងអំឡុងខែមករា ឆ្នាំ២០១៩កន្លងទៅនេះ នាង Sharik Tovar បានដេកលុងលក់អស់រយៈពេល២២ថ្ងៃទៀត។ ស្ត្រីជាម្ដាយធ្លាប់បានស្នើសុំជំនួយពីខាងអាជ្ញាធរ ក្នុងការមិនគិតថ្លៃឈ្នួលផ្ទះ ព្រោះតែគាត់គ្មានការងារធ្វើ និងត្រូវនៅផ្ទះដើម្បីមើលថែកូនស្រី។ ប៉ុន្ដែមកទល់បច្ចុប្បន្ននេះ ខាងអាជ្ញាធរមិនទាន់ចាត់វិធានការ និងតែងតែរកលេសដោះសាររហូត។
យ៉ាងណាមិញ ចំពោះជំងឺរបស់នាង Sharik Tovar ខាងវេជ្ជបណ្ឌិតក៏មិនដឹងច្បាស់ទេថា ជំងឺនោះកើតឡើងមកពីអ្វី ចំណែកឯថ្នាំព្យាបាលក៏គ្មានដែរ៕
តើប្រិយមិត្តអ្នកអានយល់ឃើញយ៉ាងណាដែរ?
សូមទស្សនារូបភាពនិងវីដេអូខាងក្រោម៖