ប្រេស៊ីល៖ ថ្មីៗនេះ មហាជនអ្នកលេងបណ្ដាញសង្គមជាច្រើនបានសម្ដែងនូវការអស់សំណើចយ៉ាងខ្លាំងជុំវិញវីដេអូឃ្លីបមួយ ដែលត្រូវបានថតបង្ហោះ នូវសកម្មភាពស្ត្រីម្នាក់កំពុងដើរសុខៗ ស្រាប់តែទ្វារបិទស្វ័យប្រវត្តិពីលើគាត់ បណ្ដាលឲ្យជាប់ខ្លួនក្នុងយានដ្ឋាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា វីដេអូឃ្លីបនោះត្រូវបានថតពីកាមេរ៉ាសុវត្ថិភាពនៅយានដ្ឋានមួយកន្លែង ក្នុងទីក្រុង Goiânia ប្រទេសប្រេស៊ីល ដែលត្រូវគេយកទៅបង្ហោះចែកចាយលើបណ្ដាញសង្គមដោយដាក់ចំណងជើងថា “សង្ឃឹមថាបុរសនោះនឹងត្រលប់មកវិញឆាប់ៗ”។
យោងតាមវីដេអូឃ្លីបខ្លីមួយបានបង្ហាញឲ្យឃើញថា បុរសម្នាក់បានជិះម៉ូតូចេញពីយានដ្ឋានរបស់ខ្លួន បម្រុងនឹងឆ្លងផ្លូវ។ ពេលនោះ មានស្ត្រីម្នាក់កំពុងដើរឆ្លងកាត់ពីមុខយានដ្ឋាន ស្រាប់តែទ្វារបានបិទដោយស្វ័យប្រវត្តិពីលើគាត់ បណ្ដាលឲ្យគាត់ជាប់នៅក្នុងទីនោះ។ ដោយមិនបានចាប់អារម្មណ៍អ្វីទាំងអស់ បុរសនោះក៏បានជិះម៉ូតូចាកចេញបាត់ទៅ។ ស្ត្រីនោះបានព្យាយាមគោះទ្វារស្រែកហៅឲ្យគេជួយដែរ ប៉ុន្ដែមិនបានផលអ្វីនោះទេ។
នាង Thais Oliveira ជាកូនស្រីរបស់ស្ត្រីនោះបានឲ្យដឹងថា ម្ដាយរបស់នាងបានជាប់នៅក្នុងយានដ្ឋានប្រមាណជិត១ម៉ោង ទើបមានអ្នកបោសជូតសម្អាតម្នាក់បានមកដល់ និងជួយបើកទ្វារឲ្យម្ដាយរបស់នាងចេញពីទីនោះ។
ទន្ទឹមនឹងនេះ ក៏មានមហាជន អ្នកលេងបណ្តាញសង្គមមួយចំនួនបានបញ្ចេញមតិថា៖
តើប្រិយមិត្តអ្នកអានយល់ឃើញយ៉ាងណាដែរ?
សូមទស្សនារូបភាពនិងវីដេអូខាងក្រោម៖