ចិន៖ ប្រិយមិត្តដែលជាអ្នកតាមដានខ្សែភាពយន្តចិន ច្បាស់ជានៅចាំនូវតារាសម្តែងជើងចាស់ លោក Donnie Yen ហៅ កុំកុំ និងលោក Jet Li ដែលប្រិយមិត្តមួយចំនួន ហៅលោកថា វ៉ាង ហ្វីហុង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ថ្មីៗនេះ នៅលើបណ្តាញសង្គមប្រទេសចិន បានបង្កការភ្ញាក់ផ្អើលយ៉ាងខ្លាំង ក្រោយឃើញការបង្ហោះរូបភាពរបស់តារាសម្តែងជើងចាស់ទាំងពីរជាច្រើនសន្លឹកប្រៀបធៀបវ័យគ្នា ដោយពួកគេបាននិយយាថា ថ្វីត្បិតតែតារាសម្តែងទាំងពីរឆ្នាំនេះ មានអាយុ ៥៦ ឆ្នាំដូចគ្នាក្តី ក៏ប៉ុន្តែបើនិយាយពីសម្រស់វិញគឺលោក Donnie Yen ហៅ កុំកុំ វិញគឺក្មេងជាង និងស្អាតជាងលោក Jet Li ដាច់តែម្តង។
ទោះជាយ៉ាងណាក្តី ក្រោយពីឃើញបែបនេះ អ្នកគាំទ្រជាច្រើនបាននាំគ្នាចែកចាយរូបភាពរបស់ពួកគេបន្តនៅលើបណ្តាញសង្គម។ ហើយមិនត្រឹមតែប៉ុណ្ណោះ អ្នកគាំទ្របានទទូចចង់ដឹងពីវិធីថែសម្រស់របស់លោក ដើម្បីឲ្យក្មេងជាងវ័យបែបនេះផងដែរ ហើយចំណែកអ្នកគាំទ្រមួយចំនួនទៀត បាននិយាយថា មូលហេតុដែលធ្វើឲ្យ កុំកុំ ក្មេងជាង Jet Li អាចប្រហែលមកពីលោក កុំកុំ ថែរក្សាសុខភាពបានល្អ ដោយការហាត់ប្រាណយកសាច់ដុំក៏ថាបាន៕
តើប្រិយមិត្តយល់យ៉ាងណាដែរ?