ពន្លឺព្រះអាទិត្យជួយឲ្យរាងកាយ ទទួលបានគុណប្រយោជន៍ដោយសារ វាជួយជំរុញប្រតិកម្មវីតាមីនD ធ្វើឲ្យស្បែក និងឆ្អឹងលូតលាស់បានល្អ។ ដោយឡែក ការរកឃើញថ្មីដោយអ្នកវិទ្យាសាស្រ្ត ឃើញថា ពន្លឺថ្ងៃជួយជំរុញឲ្យមានបាក់តេរីល្អក្នុងរាងកាយ ធ្វើឲ្យមានប្រយោជន៍សម្រាប់សុខភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការរកឃើញខាងលើ បន្ទាប់ពីក្រុមអ្នកវិទ្យាសាស្រ្តពីសាកលវិទ្យាល័យ British Columbia នៃប្រទេសកាណាដា បានពិនិត្យលើអ្នកស្ម័គ្រចិត្ត ២១ នាក់ ដោយពិនិត្យមើលលម្អិតនៅក្នុងរាងកាយ ក្រោយពេលពួកគេ(អ្នកស្ម័គ្រចិត្ត) បានត្រូវពន្លឺព្រះអាទិត្យ។
លទ្ធផលតាមដានបង្ហាញថា ពពួកបាក់តេរីល្អក្នុងរាងកាយកើនឡើងនៅពេល អ្នកស្ម័គ្រចិត្តទទួលបានពន្លឺព្រះអាទិត្យគ្រប់គ្រាន់ ពោលគឺត្រឹមតែ ៣នាទី ក្នុង១សប្តាហ៍ ក៏អាចធ្វើឲ្យរាងកាយ បានប្រយោជន៍ប្រព័ន្ធរំលាយអាហារដំណើរការល្អ ហើយក៏ធ្វើឲ្យហានិភ័យរលាកពោះវៀនមានតិចតួច ដែលជាគុណប្រយោជន៍សំខាន់សម្រាប់រាងកាយ។
បន្ថែមពីនោះទៀត ក្រុមអ្នកវិទ្យាសាស្រ្តខាងលើក៏បានពិនិត្យមើលពី លាមករបស់ក្រុមអ្នកស្ម័គ្រចិត្ត ក៏បានឃើញពី កម្រិតពពួកបាក់តេរីល្អច្រើន ជាហេតុធ្វើឲ្យពួកគេមានសុខភាពល្អ។ ដោយឃើញលទ្ធផលបែបនេះ លោកសាស្រ្តាចារ្យ Bruce Vallance ជាអ្នកដឹកនាំការស្រាវជ្រាវ បានលើកទឹកចិត្តឱ្យមានពេលត្រូវពន្លឺព្រះអាទិត្យគ្រប់គ្រាន់ ដើម្បីឲ្យមានតុល្យភាពមីក្រូសារពាង្គកាយល្អក្នុងរាងកាយ ដែលជួយឱ្យមានសុខភាពល្អ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet