អឺរ៉ុប៖ អ្នកចាត់ការទូទៅសញ្ជាតិព័រទុយហ្គាល់លោក Jose Mourinho កំពុងត្រូវបានជើងឯករងក្របខណ្ឌ Bundesliga រដូវកាលមុន Borussia Dortmund ព្យាយាមតាមទាក់ទងលោកឲ្យទៅដឹកនាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយត្រូវ Manchester United បណ្ដេញចេញពីតំណែងកាលពីខែធ្នូ ឆ្នាំមុនអ្នកចាត់ការទូទៅរហស្សនាម Special One រូបនេះមិនទាន់ទៅដឹកនាំក្លិបណាមួយនៅឡើយ។ គេតែងតែឃើញ Mourinho បង្ហាញខ្ឡួនក្នុងនាមជាវិភាគរបស់សារព័ត៌មាន Sky Sports ប៉ុន្តែនាពេលថ្មីៗនោះលោកក៏បានពន្លយថាចង់ទៅដឹកនាំក្លិបអាជីពវិញផងដែរ។
ប្រភពពីក្នុងប្រទេសអាល្លឺម៉ង់បានឲ្យដឹងថា Dortmund បានទៅនិយាយរឿងកុងត្រាជាមួយ Mourinho ខណៈអ្នកចាត់ការទូទៅវ័យ ៥៦ឆ្នាំរូបនេះជាបេក្ខភាពទីមួយដែលក្លិបចង់បានយកទៅជំនួសអ្នកចាត់ការទូទៅបច្ចុប្បន្នលោក Lucien Favre។
ប្រភពដដែលបានបន្តឲ្យដឹងទៀតថា Mourinho បានជួបពិភាក្សាជាមួយលោក Hans-Joachim Watzke ដែលជានាយកប្រតិបត្តិរបស់ក្លិប Dortmund រួចហើយ។
គួរឲ្យដឹងដែរថា អនាគតរបស់លោក Favre នៅ Dortmund មិនទាន់ច្បាស់លាស់នៅឡើយក្រោយ ៨ប្រកួតក្នុងក្របខណ្ឌ Bundesliga ឈ្នះ៤ ស្មើ៣ ចាញ់១ និងកំពុងឈរលេខ៤។ ប៉ុន្តែជាគោលដៅរបស់ក្លិបគឺចង់ប្រជែងពានជាមួយ Bayern Munich ទើបធ្វើឲ្យកៅអីរបស់លោករង្គោះរង្គើ៕
ប្រភព៖ All-Football