កូរ៉េខាងត្បូង៖ យោងតាមរយៈ ការចេញសេចក្តីថ្លែងការណ៍ជាផ្លូវការមួយ របស់ផលិតកម្ម YG Entertainment បានធ្វើឲ្យប្រិយមិត្តគាំទ្រទាំងអស់របស់ក្រុម BigBang មានការខកចិត្តមិនតិចនោះទេចំពោះដំណឹងមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងថា ក្រោយពីទន្ទឹងរងចាំអស់រយៈពេលជាច្រើនខែមកនេះ ទីបំផុតសមាជិកទាំង៣រូប របស់ក្រុម Bigbang គឺ G-Dragon Taeyang និង Daesung បាននឹងជិតបញ្ចប់ការហ្វឹកហាត់កងទ័ព និងបានវិលត្រឡប់មកជួបមុខអ្នកគាំទ្រជាថ្មី នៅក្នុងខាងឆាប់ខាងមុខនេះហើយ។ ប៉ុន្តែមិនថាយ៉ាងណា ស្រាប់តែថ្មីៗផលិតកម្ម YG Entertainment បានចេញនូវសេចក្តីប្រកាសមួយ ដោយបានស្នើរសុំទៅកាន់អ្នកគាំទ្ររបស់ក្រុម Bigbang ដោយថា៖
«សួស្តី នេះគឺជាផលិតកម្ម YG។ នេះគឺជាការជូនដំណឹងមួយ អំពីការចេញពីយោធារបស់ G-Dragon, Taeyang និង Daesung នៅក្នុងខែតុលា និងខែវិច្ឆិកាខាងមុខនេះ។
មូលដ្ឋានយោធាដែល G-Dragon, Taeyang និង Daesung កំពុងតែឈរជើងនៅឯព្រំដែន គឺជាកន្លែងដែលត្រូវបានគេរកឃើញថា កំពុងតែមានជំងឺផ្តាសាយជ្រូកអាហ្រ្វិក (ASF) ហើយដើម្បីបង្ការការពារមិនឲ្យវីរុសមានការរីករាលដាលតទៅទៀត គឺគេបានណែនាំមិនឲ្យទៅតំបន់នេះនោះទេ។
ដូច្នេះខាងអាជ្ញាធរក៏បានធ្វើការស្នើសុំ ឲ្យមានការប្រុងប្រយ័ត្នបន្ថែមទៀងផងដែរ ដោយហេតុនេះហើយ យើងក៏ស្នើសុំឲ្យអ្នកគាំទ្រចៀសវាងការទៅទស្សនា ឬទទួលដំណើរ ពួកគេពេលចេញពីហ្វឹកហាត់យោធា ដើម្បីការពារកុំឲ្យវីរុសរីករាលដាលបន្ថែមទៀត និងដើម្បីសុវត្ថិភាពរបស់អ្នកទាំងអស់គ្នាផងដែរ។
យើងក៏សូមថ្លែងអំណរគុណដល់ V.I.P ដែលបានរង់ចាំការចាកចេញពីយោធារបស់ G-Dragon, Taeyang និង Daesung ហើយជាថ្មីម្តងទៀត យើងសូមស្នើឲ្យអ្នកគាំទ្របញ្ឈប់ ការមកលេងតំបន់ហាត់យោធារបស់ពួកគេផងដែរ។»
តាមរយៈសេចក្តីថ្លែងការណ៍ខាងលើនេះ បានឲ្យដឹងថា តាមពិតទៅមូលហេតុដែលខាងផលិតកម្មទទួចស្នើសុំមិនឲ្យអ្នកគាំទ្រ ទៅទទួលIdol របស់ខ្លួនដល់កន្លែងហ្វឹកហាត់នោះ ក៏ព្រោះតែពួកគេព្រួយបារម្ភពីសុខភាពប្រិយមិត្តរបស់ពួកគេផងដែរ។
គួសបញ្ជាក់ផងដែរថា G-Dragon នឹងបញ្ចប់ការហ្វឹកហាត់យោធាជាផ្លូវការត្រឡប់មកផ្ទះវិញនៅថ្ងៃទី ២៦ ខែតុលា ឆាប់ៗខាងមុខនេះ ខណៈដែល Taeyang នឹងបញ្ចប់យោធាត្រឡប់មកផ្ទះវិញ នៅថ្ងៃទី១០ ខែវិច្ឆិកា និងចុងក្រោយគឺ Daesung នឹងបញ្ចប់ការហ្វឹកហាត់យោធាក្រោយTaeyang មួយថ្ងៃ ពោលគឺលោកនឹងត្រឡប់មកផ្ទះវិញ ទៅថ្ងៃទី១១ ខែវិច្ឆិកា ខាងមុខនេះផងដែរ៕
Bong I.T