ភ្នំពេញ៖ ធ្លាប់តែទៅលេងពោធិ៍សាត់ជិះរថយន្តមែនទេ? តែពេលនេះតោះមកសាកជិះរថភ្លើងទៅលេងពោធិ៍សាត់ម្តងទៅមើល ថាតើសប្បាយ និងស្គាល់រសជាតិប្លែកកម្រិតណា ក្នុងឱកាសឈប់សម្រាកទៅដើរលេងនាពិធីបុណ្យអុំទូកខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយការធ្វើដំណើរតាមផ្លូវរថភ្លើងថ្មីនេះពិតជាងាយស្រួល ហើយល្បីថានៅតាមដងផ្លូវមានទេសភាពស្រស់ស្អាតមែនទែន ដែលអាចឱ្យអ្នកគយគន់ព្រៃព្រឹក្សាយ៉ាងត្រជាក់ចិត្តផងដែរ ក្រោយពេលឈប់សម្រាកពីការងារ។
ជាពិសេសនៅខេត្តពោធិ៍សាត់ល្បីថាមានកន្លែងកម្សាន្ត២កន្លែង ដែលជាទីពេញនិយមជាងគេ៖
ទី១គឺ៖ រម្មណីយដ្ឋាន «ទឹកធ្លាក់ច្រកល្អៀង» រមណីយដ្ឋាននេះត្រូវបានគេស្គាល់ថា មានទីតាំងស្ថិតនៅក្នុងភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់ ចេញដំណើរពីភ្នំពេញទៅមានចម្ងាយប្រមាណត្រឹមតែ ១៦០ គីឡូម៉ែត្រប៉ុណ្ណោះ។ នៅទីនោះមានទឹកធ្លាក់ត្រជាក់ចិត្ត និងមានព្រៃឈើម្លប់ជាច្រើនធ្វើឱ្យអ្នកបានទៅលេងហើយមានអារម្មណ៍ថាស្រស់ស្រាយខ្លាំងណាស់ បានមកម្តងហើយ ចង់មកម្តងទៀត។
ប្រភពរូបភាពពីផេក៖ I Love Pursat
ទី២គឺ៖ «ភ្នំ ១៥០០» មានប្រវែងជាង ១៨០ គីឡូម៉ែត្រ តភ្ជាប់ពីផ្លូវជាតិលេខ៥ ស្រុកបាកាន ស្រុកភ្នំក្រវាញ និងស្រុកវាលវែង ជាប់ព្រំដែនខេត្តត្រាត។ បច្ចុប្បន្នមានយុវវ័យជាច្រើនបាននិយមនាំគ្នាទៅថតរូបលេងកម្សាន្តសប្បាយផុសព្រោងព្រាតក្នុងបណ្តាញសង្គម ព្រោះថានៅភ្នំនេះមានទេសភាពព្រៃឈើពណ៌ខៀវស្រងាត់ ខ្យល់អាកាសក៏បរិសុទ្ធ អបជាមួយនឹងដងផ្លូវដែលព័ទ្ធខ្វែងខ្វាត់ដូចអន្ទង់អាំង មើលទៅពិតជាប្លែកភ្នែកណាស់។
ប្រភពរូបភាពពីផេក៖ I Love Pursat
ទន្ទឹមនឹងនេះ ដើម្បីចូលអបអរសាទរពិធីបុណ្យអុំទូក អកអំបុក និងសំពះព្រះខែ នាពេលខាងមុខនេះ ស្រាបៀរ GANZBERG ក៏បាននាំមកជូនព្រឹត្តិការណ៍ប្រគំតន្ត្រី «GANZBERG Uber Music Festival 2019» ដែលប្រមូលផ្តុំទៅដោយទស្សនីយ៍ភាពកម្សាន្តប្លែកៗ ជួបជាមួយកំពូលតារាចម្រៀងកំពូលលំដាប់ជួរមុខសប្បាយគ្មានដែនកំណត់។ ដែលព្រឹត្តិការណ៍ប្រគំតន្រ្តីដ៏កក្រើក និងអស្ចារ្យនេះ នឹងរៀបចំធ្វើឡើងនៅក្នុងខេត្តពោធិ៍សាត់នាថ្ងៃទី ៦ ទី ៧ និងទី៨ ខែវិចិ្ឆកា ឆ្នាំ២០១៩ នេះតែម្តង ស្របជាមួយនឹងពិធីបុណ្យអុំទូកលើកទី២ របស់ខេត្តពោធិ៍សាត់ផងដែរ៕
ប្រភពរូបភាពពីផេក៖ I Love Pursat