អង់គ្លេស៖ យោងតាមកាសែត Daily Express បានអោយដឹងថាក្រុមបិសាចក្រហម Manchester United បានចាប់អារម្មណ៍ចង់បានខ្សែប្រយុទ្ធសញ្ជាតិអាល្លឺម៉ង់កីឡាករ Timo Werner របស់ក្លិប RB Leipzig ក្នុងគោលបំណងចង់បានកីឡាកររូបនេះមកពង្រឹងតំបន់ប្រយុទ្ធ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុម Manchester United បានចាប់ផ្ដើមរដូវកាលថ្មីដ៏លំបាកមួយបន្ទាប់ពីបាត់បង់ខ្សែប្រយុទ្ធ២រូបអោយទៅក្រុម Inter Milan រួមមានកីឡាករ Romelu Lukaku និង Alexis Sanchez ហើយកាលពីអំឡុងពេលទីផ្សារដោះដូរកីឡាកររដូវក្ដៅកន្លងទៅនេះពួកគេមិនបានទិញខ្សែប្រយុទ្ធណាមួយមកចូលរួមក្រុមនោះទេ ដែលនេះជាហេតុធ្វើអោយក្រុមរបស់លោក Ole ហាក់មានបញ្ហានៅតំបន់ប្រយុទ្ធ។
យោងតាមប្រភពដដែលបានអោយដឹងថាខ្សែប្រយុទ្ធសញ្ជាតិអាល្លឺម៉ង់របស់ក្លិប RB Leipzig រូបនេះមានតម្លៃខ្លួនប្រមាណ ៥៦លានផោន (ឬប្រហែល ៧២លានដុល្លារអាមេរិក)។
គួររម្លឹកផងដែរថាកីឡាករវ័យ ២៣ឆ្នាំរូបនេះបានផ្ទេរចេញពីក្រុម VfB Stuttgart មកចូលរួមជាមួយក្លិប RB Leipzig កាលពីឆ្នាំ២០១៦ ក្នុងតម្លៃ១៤លានអឺរ៉ូ (ឬប្រហែល១៥លានដុល្លារអាមេរិក) ដោយបង្ហាញខ្លួនបាន ១២៥ប្រកួតស៊ុតបញ្ចូលទីបាន ៦៩គ្រាប់ និងបញ្ជូនបាល់អោយមិត្តរួមក្រុមសម្រេចទីបានចំនួន ២៨ដង៕
ប្រភព៖ Caughtoffside