អីយ៉ាស!! លោកព្រះ Zlatan បោះសម្ដីធ្ងន់ៗដូចចង់មកលេងប៉ះគ្នាជាមួយ​ Ronaldo នៅ Serie A

“ខ្ញុំមានអាយុ ៣៨ឆ្នាំហើយ ប៉ុន្តែនៅតែមានសេចក្ដីស្រេកឃ្លានពានដូចក្មេងអីចឹង។ ខ្ញុំមិនទាន់គិតពីអនាគតរបស់ខ្ញុំទេ ខ្ញុំនឹងពិគ្រោះយោបល់ជាមួយគ្រួសាររបស់ខ្ញុំ។ ចំពោះការបន្តអាជីពក្នុងការលេង ខ្ញុំត្រូវការកន្លែងមួយដែលពិសេសសម្រាប់ខ្ញុំដែលអាចធ្វើឲ្យខ្ញុំកាន់តែខ្លាំង។”

“អ៊ីតាលីគឺជាផ្ទះទីពីររបស់ខ្ញុំ។ ខ្ញុំនឹងពិនិត្យមើលរាល់សំណើទាំងអស់ ប៉ុន្តែខ្ញុំចង់ទៅកន្លែងណាដែលមានការប្រកួតប្រជែងខ្ពស់។ បើសិនជាខ្ញុំជ្រើសរើសការត្រឡប់ទៅលេងនៅអ៊ីតាលីវិញ គឺខ្ញុំយល់ព្រមដោយខ្លួនឯង មិនមាននរណាម្នាក់អូសទាញខ្ញុំបាននោះទេ ព្រោះខ្ញុំជា Ibrahimovic។ ខ្ញុំនៅតែអាចរកបាន ២០គ្រាប់នៅ Serie A។”

“ខ្ញុំចូលរួមកោតសរសើរចំពោះ Diego Maradona គ្មាននរណាម្នាក់ដូចគាត់នោះទេ។ ឃើញសេចក្ដីស្រឡាញ់ពីទីក្រុងដ៏ស្រស់ស្អាត បានធ្វើឲ្យខ្ញុំពិតជាចង់ទទួលបានបទពិសោធន៍មួយនៅ Napoli ដូចអ្វីអស្ចារ្យដែល Diego ធ្លាប់បានធ្វើ។ ខ្ញុំនិយាយនេះ មិនទាន់ប្រាកដថាជាការសម្រេចចុងក្រោយនោះទេ។ សម្រាប់ខ្ញុំ កីឡាដ្ឋាន the Stadio San Paolo តែងតែមានអ្នកគាំទ្រពេញជារៀងរាល់ថ្ងៃអាទិត្យ ហើយនៅទីនោះក៏មាន Carlo Ancelotti ដែលជាគ្រូបង្វឹកដ៏ល្អមួយរូបផងដែរ។”