ផ្ទុះការសរសើរ ក្រោយពីសិស្សថៃក្មេងៗមួយក្រុមនាំគ្នាដោះស្បែកជើង មុនចូលហាងទំនិញ

ថៃ៖ ជាការពិតណាស់ ក្មេងៗតែងតែចាំនូវអ្វីដែលគ្រូ ឬឪពុកម្ដាយបានបង្រៀនទៅកាន់ពួកគេ។ ជាក់ស្ដែង ថ្មីៗនេះ ក្មេងៗសិស្សសាលាមួយក្រុម កំពុងទទួលបានការសរសើរនិងចាប់អារម្មណ៍យ៉ាងខ្លាំង ក្រោយពីការបង្ហោះរូបភាពទៅលើបណ្ដាញសង្គម ដែលបង្ហាញពីពួកគេ នាំគ្នាដោះស្បែកជើង មុនចូលហាងទំនិញ។

បើយោងតាមប្រភពបានឲ្យដឹងថា ក្មេងៗសិស្សសាលាមួយក្រុមនោះ គឺរស់នៅតាមតំបន់ភ្នំដែលដាច់ស្រយ៉ាល និងបានធ្វើដំណើរកម្សាន្តជាមួយលោកគ្រូរបស់ពួកគេទៅកាន់ទីប្រជុំជន។

លុះមកដល់ហាងទំនិញមួយ លោកគ្រូបានណែនាំឲ្យសិស្សទាំងអស់ស្គាល់ពីហាងទំនិញដែលមានឈ្មោះថា សេវិន អ៊ីលេវិន ដោយបើកលក់២៤ម៉ោង ដែលមិនមាននៅក្នុងតំបន់ពួកគេរស់នៅឡើយ។ លោកគ្រូក៏បានអនុញ្ញាតឲ្យសិស្សទាំងអស់រើសយកទំនិញណាដែលមានតម្លៃសមរម្យផងដែរ មុនពេលគាត់ចូលបន្ទប់ទឹក។

លោកគ្រូបានឲ្យដឹងដែរថា គាត់មានការភ្ញាក់ផ្អើលយ៉ាងខ្លាំង ក្រោយពីចេញពីបន្ទប់ទឹក បានឃើញសិស្សទាំងអស់នាំគ្នាដោះស្បែកជើង ទុកចំពីមុខហាងទំនិញ ក៏សួរទៅកាន់ពួកគេថា៖

សិស្សម្នាក់បានឆ្លើយតបទៅវិញថា៖

អាប្បករិយានិងការឆ្លើយតបរបស់ពួកគេបានធ្វើឲ្យលោកគ្រូពេញចិត្ត និងមានមោទនភាពយ៉ាងខ្លាំង។

ទន្ទឹមនឹងនេះដែរ មានអ្នកលេងបណ្ដាញសង្គមជាច្រើនបានកោតសរសើរលោកគ្រូចំពោះការយកចិត្តទុកដាក់ និងផ្ដល់ដំបូន្មានល្អទៅកាន់សិស្សផងដែរ៕

សូមទស្សនារូបភាពខាងក្រោម៖