អេស្ប៉ាញ៖ ចំណាត់ថ្នាក់លេខ១ បណ្ដោះអាសន្នគិតត្រឹមសប្ដាហ៍ទី៩ ក្នុងក្របខណ្ឌ La Liga មានការប្រែប្រួលក្រោយ Real Madrid បានភ្លាត់ស្នៀតចាញ់ Real Mallorca ក្នុងលទ្ធផល ១ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចាប់ផ្ដើមការប្រកួតបានត្រឹម៧នាទីម្ចាស់ផ្ទះ Mallorca បានបើកការនាំមុខមុនមកលើ Real Madrid តាមរយៈគ្រាប់បាល់របស់កីឡាករ Lago Junior។ ការប្រកួតអូសបន្លាយដល់ចប់ ៩០នាទីក្រុមរបស់លោក Zidane នៅតែមិនអាចរកគ្រាប់បាល់បានបើទោះបីព្យាយាមសម្រុកយ៉ាងណាក្ដី។
នៅក្នុងការប្រកួតនោះលោកអាជ្ញាកណ្ដាលក៏បានចាយកាតក្រហមមួយឲ្យកីឡាករកំពុងឡើងកូដរបស់ Real Madrid កីឡាករ Alvaro Odriozola ផងដែរនៅនាទី៧៤ ក្រោយទទួលបានកាតលឿង ២ដង។
ក្រោយបរាជ័យក្រោមថ្វីជើង Mallorca ដៃគូប្រជែងដ៏ធំរបស់ Real Madrid ក្លិបអ្នកមានបុណ្យ Barcelona បានឡើងទៅឈរនៅចំណាត់ថ្នាក់លេខ១ បណ្ដោះអាសន្នបន្ទាប់ពីការប្រកួតយប់មិញក្លិបមានមូលដ្ឋាននៅតំបន់កាតាឡាន់មួយនេះបានយកឈ្នះ Eibar ក្នុងលទ្ធផល ០ទល់នឹង៣។
គ្រាប់ទាំង៣របស់ Barcelona ធ្វើបានសម្រេចដោយខ្សែប្រយុទ្ធជួរមុខទាំង៣រូបក្នុងម្នាក់មួយគ្រាប់ រួមមាន Griezmann, Messi និង Suarez។
សូមទស្សនាវីដេអូ Highlight ទាំងពីរប្រកួតនៅខាងក្រោម៖