អង់គ្លេស៖ ការប្រកួតបាល់ទាត់ពានរង្វាន់លីគកំពូលរបស់អង់គ្លេស Premier League បានឈានចូលមលដល់សប្ដាហ៍ទី៩ នៅចុងសប្ដាហ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះជើងខ្លាំងក្លិបមាន់ខ្នាយមាស Tottenham Hotspur រកបានត្រឹម ១ពិន្ទុនៅក្នុងផ្ទះខ្លួនឯងក្រោយប្រកួតស្មើគ្នាជាមួយ Watford ក្នុងលទ្ធផល ១ទល់នឹង១។
ក្រុមភ្ញៀវ Watford ជាអ្នកបើកការនាំមុខមុននៅនាទី៦ តាមរយៈកីឡាករ Abdoulaye Doucoure។ យ៉ាងណាការប្រកួតអូសបន្លាយស្ទើរតែចប់ទៅហើយពោលគឺនៅនាទី៨៦ Spurs បានវាយបកតាមស្មើវិញដោយបានសម្រេចដោយខ្សែប្រយុទ្ធអង់គ្លេស Dele Alli។
ក្រោយប៉ុន្មានប្រកួតធ្វើមិនសូវជាបានល្អ តំណែងអ្នកចាត់ការទូទៅនៅ Spurs របស់លោក Mauricio Pochettinho កំពុងតែរង្គោះរង្គើ។
ក្រឡេកមកមើលមួយគូទៀតនោះគឺជើងឯកឆ្នាំចាស់ Manchester City ធ្វើដំណើរទៅយក ៣ពិន្ទុពីម្ចាស់ផ្ទះ Crystal Palace ដោយយកឈ្នះក្នុងលទ្ធផល ២ទល់នឹង០។
២គ្រាប់របស់កូនក្រុមលោក Pep Guardiola រកបាននៅវគ្គទី១ទាំងពីរគ្រាប់ គឺនៅនាទី៣៩ ដោយខ្សែប្រយុទ្ធ Gabriel Jesus និងនៅនាទី៤១ ដោយប្រធានក្រុម David Silva។ អ្វីដែលគួរឲ្យកត់សម្គាល់សម្រាប់ការប្រកួតនោះគឺ Man City បានបើកការសម្រុកតាំងពីចាប់ផ្ដើមនាទី១តែម្ដង ដោយមានឱកាសស៊ុត១៦លើក ចំគោលដៅ៨លើក និងខុសគោលដៅ៨លើក។ ចំណែកឯ Crystal Palace មានឱកាស៤លើក ចំគោលដៅ២ដង និងមិនចំគោលដៅ២ដង។
ចំពោះលទ្ធផល ៦គូផ្សេងទៀតដែលប្រកួតកាលពីថ្ងៃសៅរ៍ជាមួយគ្នានោះគឺ៖
Everton 2-0 West Ham United
Bournemouth 0-0 Norwich City
Aston Villa 2-1 Brighton
Chelsea 1-0 Newcastle United
Leicester City 2-1 Burnley
Wlverhampton 1-1 Southampton
សូមទស្សនាវីដេអូ Highlight ការប្រកួតទាំងពីរនៅខាងក្រោម៖